Prithviraj Sukumaran: సలార్ పై షాకింగ్ కామెంట్స్ చేసిన పృథ్వీరాజ్.. ఏం చెప్పారంటే?

December 21, 2023 / 11:35 AM ISTByFilmy Focus

Join Us

Prithviraj Sukumaran: సలార్ పై షాకింగ్ కామెంట్స్ చేసిన పృథ్వీరాజ్.. ఏం చెప్పారంటే?

కేజిఎఫ్ సినిమాతో సెన్సేషనల్ హిట్ అందుకున్నటువంటి డైరెక్టర్ ప్రశాంత్ నీల్ త్వరలోనే సలార్ సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ప్రభాస్ హీరోగా నటించిన ఈ సినిమా మరో రెండు రోజులలో ప్రేక్షకుల ముందుకు రాబోతున్న నేపథ్యంలో పెద్ద ఎత్తున ఈ సినిమాపై అంచనాలు ఏర్పడ్డాయి. ఇక ఈ సినిమా ప్రమోషన్లలో భాగంగా చిత్ర బృందం వరుస ఇంటర్వ్యూలకు హాజరవుతున్నారు. ఇక ఈ సినిమాలో నటుడు పృథ్వీరాజ్ సుకుమారన్ కూడా నటించిన సంగతి తెలిసిందే.

పృథ్వీరాజ్ సుకుమారన్ కూడా వరుస ఇంటర్వ్యూలకు హాజరవుతూ సినిమా ప్రమోషన్లలో భాగమయ్యారు. ఈ సందర్భంగా ఒక ఇంటర్వ్యూలో పాల్గొన్న ఈయన సలార్ సినిమా గురించి ఆసక్తికరమైన విషయాలను వెల్లడించారు. ఈ సినిమాని ప్రశాంత్ కాకుండా మరొక డైరెక్టర్ తీస్తే ఎలా ఉంటుందన్న ప్రశ్న పృథ్వీరాజ్ కు ఎదురైంది. ఒకవేళ మీరే కనుక ఈ సినిమాకు డైరెక్టర్ అయితే ఈ సినిమాని ఎలా చేస్తారో అనే ప్రశ్న పృథ్వీరాజ్ కి ఎదురు కావడంతో ఆయన ఈ సినిమా గురించి ఆసక్తికరమైన విషయాలను వెల్లడించారు.

సలార్ సినిమాని ప్రశాంత్ కాకుండా నేను చేస్తే ఆయన కన్నా మంచిగా చేస్తాను అంటూ కామెంట్ చేశారు. ప్రశాంత్ ఈ సినిమాని ఎంతో అద్భుతంగా ప్రేక్షకుల ముందుకు తీసుకువచ్చారు. ఇదే కథను మరి కొంతమంది డైరెక్టర్లకు ఇస్తే వారు కూడా ఒక్కో రకంగా ప్రేక్షకుల ముందుకు తీసుకు వస్తారని, ఒక్కొక్కరికి ఒక్కో విజన్ ఉంటుందని తెలిపారు. నేనైతే ఇంకా మంచిగా చేస్తాను అంటూ ఈయన చేసినటువంటి వ్యాఖ్యలు వైరల్ అవుతున్నాయి.

ఇక ప్రశాంత్ ఈ సినిమాలో అద్భుతమైనటువంటి డ్రామాని చూపించారని నాకు అది నచ్చే ఈ సినిమాకు కమిట్ అయ్యానని పృథ్వీరాజ్ వెల్లడించారు. ప్రశాంత్ కథ నేరేట్ చేసేటప్పుడు ఒకలా ఉందని కానీ ఈ సినిమా షూట్ చేసేటప్పుడు మరో లెవల్ లో ఉందని తెలిపారు ఈ సినిమా క్లైమాక్స్ నాకు చెప్పినప్పుడు ఒక విధంగా ఉందని షూటింగ్ చేసేటప్పుడు పూర్తిగా మారిపోయిందని క్లైమాక్స్ వెండి తెరపై కనుక చూస్తే అందరికీ పిచ్చెక్కిపోతుంది అంటూ ఈ సినిమా గురించి పృథ్వీరాజ్ సుకుమారన్ (Prithviraj Sukumaran) చేసినటువంటి వ్యాఖ్యలు సినిమాపై మరిన్ని అంచనాలను పెంచేశాయి.