తెలుగు సినీ ప్రేక్షకులకు హీరోయిన్ ప్రియా ప్రకాష్ వారియర్ గురించి ప్రత్యేకంగా పరిచయం అక్కర్లేదు. ఒరు ఆడార్ లవ్ ఈ సినిమా ప్రచారంలో భాగంగా ఒక వీడియోని విడుదల చేశారు. ఆ వీడియోలో ప్రియా ప్రకాష్ కన్ను కొట్టే సన్నివేశంతో ప్రియా ప్రకాష్ దేశ వ్యాప్తంగా విపరీతమైన పాపులారిటీని సంపాదించుకుంది.ఇక అప్పటి నుంచి ప్రియా ప్రకాష్ వారియర్ ను అభిమానులు ముద్దుగా కన్ను గీటు భామ అని కూడా పిలుస్తూ ఉంటారు. ఈ పేరుతో పాటు ముద్దుగా వింక్ బ్యూటీ అని కూడా పిలుస్తూ ఉంటారు.ఈ కేరళ కుట్టి తెలుగులో పలు సినిమాల్లో నటించి మంచి గుర్తింపు తెచ్చుకుంది.
ఇష్క్, లవర్స్, చెక్ లాంటి సినిమాలలో నటించి మంచి గుర్తింపు తెచ్చుకుంది.కానీ ఆమె నటించిన సినిమాలు బాక్సాఫీస్ వద్ద గా సక్సెస్ కాలేకపోవడంతో పాటు ఆమెకు సరైన గుర్తింపును కూడా తెచ్చి పెట్టలేకపోయాయి.ఇది ఇలా ఉంటే చాలా గ్యాప్ తర్వాత ఇప్పుడు తన అభిమానులను పలకరించబోతోంది ప్రియా ప్రకాష్ వారియర్. పవన్ కళ్యాణ్, సాయి ధరమ్ తేజ్ కలిసి నటించిన బ్రో సినిమాలో కీలక పాత్రలో నటించింది ప్రియా. ఈ సినిమా 28న విడుదల కానున్న విషయం తెలిసిందే.
ప్రస్తుతం ఈ సినిమా ప్రమోషన్స్ లో భాగంగా బిజీ బిజీగా గడుపుతోంది ప్రియా ప్రకాష్ వారియర్.ఈ ప్రమోషన్స్ లో భాగంగా తాజాగా ఆమె మీడియాతో ముచ్చటించారు.ఈ సందర్భంగా ఎన్నో విషయాలను పంచుకుంది ప్రియా. బ్రో సినిమాలో ఆఫర్‌ వచ్చినప్పుడు మొదట నేను నమ్మలేదు.మొదటి రోజు సెట్‌లో పవన్ కల్యాణ్‌ ని చూసి ఎంతో ఆనందంగా అనిపించింది.కంగారు పడ్డాను. ఆయన ఎప్పుడూ ప్రశాంతంగా ఉంటారు.సాయి చాలా ఫ్రెండ్లీ. వాళ్లిద్దరితో నాకు కాంబినేషన్‌ సీన్స్‌ ఉన్నాయి.
ఇలాంటి ప్రాజెక్ట్‌లో భాగమైనందుకు గర్వంగా ఉన్నాను అని చెప్పుకొచ్చింది ప్రియా. అనంతరం విలేకరు ఒకవేళ మీరు సారీ, థ్యాంక్స్‌ చెప్పాల్సి వస్తే ఎవరికి చెబుతారు? అని ప్రశ్నించగా.ప్రియా స్పందిస్తూ. థ్యాంక్యూ, సారీ రెండూ నా తల్లిదండ్రులకే చెబుతాను. వాళ్ల ప్రోత్సహం వల్లే నేను ఈ స్థాయిలో ఉన్నాను. అందుకు ఎప్పటికీ రుణపడి ఉంటాను.ఇక, టీనేజ్‌లో ఉన్నప్పుడు నేను ఎన్నో ఆకతాయి పనులు చేశాను. అమ్మ వాళ్లకు అవి నచ్చేవి కాదు.కాబట్టి, అప్పుడు చేసిన పనులన్నింటికీ ఇప్పుడు సారీ చెబుతాను అని తెలిపింది ప్రియా.
పాత్ర కోసం ఇష్టాలను పక్కన పడేసిన నటులు వీళ్లేనా..!
సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు
