Priyamani: నేను ఇప్పటికి కత్తిలా ఉంటా : హీరోయిన్ ప్రియమణి..!

October 10, 2023 / 05:12 PM ISTByFilmy Focus

Join Us

Priyamani: నేను ఇప్పటికి కత్తిలా ఉంటా : హీరోయిన్ ప్రియమణి..!

రీసెంట్‌ బ్లాక్ బస్టర్‌ ‘జవాన్‌’లో కనిపించి అందరినీ ఆకట్టుకున్నారు ప్రియమణి. తాజాగా ఓ ఇంటర్వ్యూలో పాల్గొన్న ఆమె ట్రోల్స్ గురించి మాట్లాడారు. కొందరు వ్యక్తులు కావాలనే హీరోయిన్ల వయసును ట్రోల్‌ చేస్తుంటారని అన్నారు. హీరోలకు ఎంత వయసు వచ్చినా ఎవరూ ప్రస్తావించరని.. కానీ, హీరోయిన్ల వయసు గురించి మాత్రం ఎప్పుడూ మాట్లాడుతుంటారు అని అసహనం వ్యక్తం చేశారు. ‘మగవాళ్లకు 50 ఏళ్లు వచ్చినా ఎవరూ దాని గురించి అడగరు. కానీ, మహిళలకు 30 ఏళ్లు రాగానే ఆంటీ అని పిలుస్తుంటారు.

అలా పిలిచేవాళ్లు ఎప్పటికైనా ఈ వయసుకు రావాల్సిందేనని వాళ్లు గ్రహించలేకపోతున్నారు. అయినా, నేను ఇలాంటివి పట్టించుకోను. నాకు 39 సంవత్సరాలని నేను గర్వంగా చెబుతాను. ఇప్పటికీ అందంగా కనిపిస్తున్నందుకు ఎంతో గొప్పగా భావిస్తాను. అందరూ నన్ను గుర్తించాలని నేను అనుకోను. నన్ను నేను ఎప్పుడూ మెచ్చుకుంటాను. అలాగే విమర్శించే వారితో పాటు ప్రశంసించేవారూ ఉన్నారు. గతంలో ఇలాంటి వ్యాఖ్యలు నాపై చాలా ప్రభావితం చూపాయి.

అయితే కాలంతో పాటు నేను కొన్ని విషయాలు తెలుసుకున్నాను. మనం చేసే పనులతో సంబంధం లేకుండా కొందరు వ్యక్తులు ట్రోల్‌ చేస్తుంటారని గ్రహించాను. అలాంటి వాటికోసం అనవసరంగా నా విలువైన సమయాన్ని వృథా చేయకూడదని నిర్ణయించుకున్నా’ అని చెప్పారు. ఇక ఇదే ఇంటర్వ్యూలో షారుక్‌తో కలిసి నటించడంపై తన అనుభూతిని పంచుకున్నారు.

ఆయన సెట్‌లో ప్రతి ఒక్కరినీ సమానంగా చూసేవారని ప్రియమణి తెలిపారు. ఆయనతో కలిసి పనిచేయడం ఆర్టిస్టులందరూ సౌకర్యవంతంగా భావిస్తారని వెల్లడించారు. వృత్తికి సంబంధించైనా, వ్యక్తిగత జీవితం గురించైనా ఎలాంటి ప్రశ్నలు అడిగినా షారుక్‌ దగ్గర సమాధానం ఉంటుందని ప్రియమణి అన్నారు.