పవర్ స్టార్ పవన్ కళ్యాణ్ వరుస సినిమాలు ఒప్పుకుంటూ బిజీగా మారారు. రెండేళ్లకు పైగా గ్యాప్ తీసుకున్న ఆయన ‘వకీల్ సాబ్’ సినిమాతో రీఎంట్రీ ఇచ్చారు. ఆ తరువాత క్రిష్ దర్శకత్వంలో ‘హరిహర వీరమల్లు’తో పాటు సాగర్ చంద్ర దర్శకత్వంలో ‘భీమ్లా నాయక్’ సినిమా మొదలుపెట్టారు. ఈ రెండు సినిమాలు ప్రస్తుతం చిత్రీకరణ దశలో ఉన్నాయి. త్వరలోనే హరీష్ శంకర్ సినిమాను కూడా మొదలుపెట్టే అవకాశాలు కనిపిస్తున్నాయి. ఏడాది క్రితం అనౌన్స్ అయిన ఈ సినిమాను దసరాకు ప్రారంభిస్తారని అంటున్నారు.
ఈ సినిమాలో హీరోయిన్ గా పూజాహెగ్డే నటించనున్నట్లు ప్రచారం సాగుతోంది. అయితే ఈ సినిమాలో మరో హీరోయిన్ కూడా నటించనుందని.. ఆ పాత్ర కోసం ప్రియమణిని ఎంపిక చేసుకున్నారని వార్తలొస్తున్నాయి. హీరోయిన్ గా ఎన్నో సినిమాలు చేసిన ప్రియమణి.. ఆ తరువాత కొంతకాలం సినిమాలకు దూరమైంది. ఈ మధ్యనే మళ్లీ సినిమాలతో బిజీ అవుతోంది. ‘నారప్ప’, ‘విరాటపర్వం’ వంటి సినిమాల్లో నటించింది. ఇప్పుడు పవన్ సినిమాలో కూడా ఛాన్స్ కొట్టేసింది.
అయితే ఇందులో ఆమె రోల్ హీరోయిన్ మాదిరి కాకుండా.. స్పెషల్ గా ఉండే అవకాశం ఉంది. హీరోయిన్ గా సినిమాలు చేసిన సమయంలో కూడా ప్రియమణికి పవన్ తో నటించే ఛాన్స్ రాలేదు. ఇప్పుడు అలాంటి అవకాశం వస్తుంటే ఆమె ఎలా వినియోగించుకుంటుందో చూడాలి!
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home