ప్రియాంక అరుల్ మోహన్ (Priyanka Arul Mohan)..ని తెలుగు, తమిళ ప్రేక్షకులు మరో సమంత మాదిరి ఆదరిస్తున్నారు. ‘నానీస్ గ్యాంగ్ లీడర్’ తో (Nani’s Gang Leader) హీరోయిన్ గా ఎంట్రీ ఇచ్చిన ఈమె.. ఆ తర్వాత ‘శ్రీకారం’ (Sreekaram) సినిమాలో కూడా నటించింది. అయితే అవి ఆశించిన స్థాయిలో సక్సెస్ సాధించకపోవడంతో తమిళ సినీ పరిశ్రమపై ఫోకస్ పెట్టింది. అక్కడ వరుసగా ‘డాక్టర్’ ‘ఈటీ’ ‘డాన్’ (Don) వంటి సినిమాల్లో నటించి స్టార్ డంని సంపాదించుకుంది. ఈ మధ్యనే ‘సరిపోదా శనివారం’ (Saripodhaa Sanivaaram) సినిమాతో ప్రేక్షకుల ముందుకు వచ్చిన ఈమె ఆ సినిమాతో మంచి ఫలితాన్నే అందుకుంది.
ప్రస్తుతం ‘ఓజి’ (OG Movie) సినిమాలో నటిస్తూ బిజీగా గడుపుతున్న ప్రియాంక పై.. పెళ్లి వార్తలు రావడం సంచలనంగా మారింది. ఓ స్టార్ హీరోని ప్రియాంక పెళ్ళి చేసుకున్నట్టు ప్రచారం గట్టిగానే జరిగింది. అందులోనూ ఈ మధ్యే విడాకులు తీసుకున్న హీరో ‘జయం’ రవిని ప్రియాంక పెళ్లి చేసుకున్నట్లు ప్రచారం గట్టిగానే జరిగింది. ఎందుకంటే వీరిద్దరూ పెళ్లి చేసుకున్నట్టు కొన్ని ఫోటోలు వైరల్ అవుతున్నాయి. ఇవి దేశవ్యాప్తంగా ట్రెండింగ్ అవ్వడంతో.. ప్రియాంక క్లారిటీ ఇవ్వడం జరిగింది.
ఆమె మాట్లాడుతూ.. ” ‘జయం’ రవికి జోడీగా నేను ‘బ్రదర్’ సినిమాలో నటించాను. ఆ సినిమాలో కొన్ని సీన్స్ లో భాగంగా మేము దండలు మార్చుకోవడం జరిగింది. వాటికి సంబంధించిన ఫోటోలను మేకర్స్ విడుదల చేశారు. దీంతో మాకు ఎంగేజ్మెంట్ జరిగినట్లు ప్రచారం జరుగుతుంది. టాలీవుడ్ నుండి అయితే కొందరు ఫోన్ చేసి కంగ్రాట్స్ చెప్పారు. దీంతో ఆ ఫోటోలను విడుదల చేసినందుకు ‘బ్రదర్’ సినిమా మేకర్స్ ని నేను తిట్టుకున్నాను” అంటూ చెప్పుకొచ్చారు ప్రియాంక అరుల్ మోహన్.
