నాని భామకు డిమాండ్ బాగా పెరుగుతుంది?

టాలీవుడ్లో హీరోయిన్ల కొరత చాలా ఉందన్న సంగతి తెలిసిందే. అందుకే స్టార్ హీరోలు కూడా మళ్ళీ మళ్ళీ ఒకే హీరోయిన్ తో ఏం చేస్తాం అన్నట్టు ఈమధ్య మీడియం హీరోయిన్లతో కూడా నటించేస్తున్నారు. దీనికి ప్రత్యక్ష ఉదాహరణ మహేష్ బాబు, అల్లు అర్జున్. తాజాగా ఈ స్టార్లు మీడియం హీరోల సినిమాల్లో నటించిన రష్మిక మందన తో నటిస్తున్నారు. ఈ క్రమంలో ఓ కొత్త హీరోయిన్ ఇండస్ట్రీలో ఎంట్రీ ఇచ్చి ఓ హిట్టందుకుందంటే అందరి దృష్టి ఆమె పైనే ఉంటుంది. కానీ కొత్తమ్మాయి ప్రియాంక అరుల్ మోహన్ పరిస్థితి మాత్రం ఇందుకు భిన్నంగా ఉంది. ఇంకా మొదటి సినిమా విడుదల కాకముందే ఈమె కు వరుస ఆఫర్లు క్యూలు కడుతుండడం ఆశ్చర్యం కలిగించే విషయం.

• గేమ్ ఓవర్ సినిమా రివ్యూ కోసం ఇక్కడ క్లిక్ చెయ్యండి
• వజ్ర కవచధర గోవింద సినిమా రివ్యూ కోసం ఇక్కడ క్లిక్ చెయ్యండి

నాని హీరోగా నటిస్తున్న ‘గ్యాంగ్ లీడర్’ చిత్రంతో టాలీవుడ్ కి ఎంట్రీ ఇవ్వబోతుంది ప్రియాంక అరుల్ మోహన్. ఇప్పుడు యువ హీరోలతో సినిమాలు చేయాలనుకునే దర్శక నిర్మాతలు ఈమెనే సంప్రదిస్తున్నారట. కన్నడలో ఈమె నటించిన మొదటి చిత్రం తోనే మంచి పేరు తెచ్చుకున్న ఈ భామ టాలీవుడ్ ప్రేక్షకుల్ని కూడా అలరిస్తుందని గట్టిగా నమ్ముతున్నారు. ప్రస్తుతం శర్వానంద్ హీరోగా రూపొందనున్న చిత్రంలో కూడా ఈమెను సంప్రదిస్తున్నారని సమాచారం. సినిమా విడుదల కాకుండానే ఈ భామకు డిమాండ్ ఇలా ఉంటే.. ఇక సినిమా విడుదలయ్యి హిట్టయితే ఈమెకు కూడా స్టార్ హీరోల సరసన నటించే అవకాశాలు వచ్చినా ఆశ్చర్యపడనవసరం లేదు.