బిగ్ బాస్ హౌస్ లో సండే ఫన్ డే అనేదానికి బదులుగా సండే ఎలిమినేషన్ డే గా మారింది. ప్రతి ఆదివారం హౌస్ నుంచీ ఒకరు వచ్చేస్తేనే ఇంకొకరు విజయం సాధించగలుగుతారు. ఈసారి మాత్రం హౌస్ లో ఎలిమినేషన్ అనేది ముందుగానే అందరూ ఊహించారు. హౌస్ మేట్స్ కూడా ప్రియాంక లేదా కాజల్ ఇద్దరిలో ఒకరు వెళ్లిపోతారనే అనుకున్నారు. అనుకున్నట్లుగానే ప్రియాంక ఎలిమినేట్ అయి బిగ్ బాస్ స్టేజ్ పైకి వచ్చింది. నాగార్జునతో పాటుగా తన జెర్నీని చూసి భావోద్వేగానికి గురి అయ్యింది. ఒక ట్రాన్స్ జెండర్ గా వచ్చి ఇన్నివారాలు గేమ్ ఆడావ్ అంటే నువ్వు ఎంతోమందికి ఇన్సిపిరేషన్ అంటూ నాగార్జున పొగడ్తలతో ముంచెత్తాడు.
ఇక్కడే పింకీతో ఒక గేమ్ ఆడించాడు నాగార్జున. ఇప్పుడున్న టాప్ 6 పార్టిసిపెంట్స్ పై వచ్చినపుడు నీ అభిప్రాయం ఏంటి ? వెళ్లేటపుడు నీ అభిప్రాయం ఎలా ఉంది అని అడిగాడు. దీంతో అందరి గురించి చెప్పుకొచ్చింది ప్రియాంక. ఫస్ట్ సిరి గురించి చెప్తూ, ఈ అమ్మాయి నాకంటే అందంగా ఉందేంటి అని అనుకున్నాను అని, ఆ తర్వాత నాకు చెల్లిగా బాగా కనెక్ట్ అయ్యిందని ఈ బిగ్ బాస్ హౌస్ కి సిరిలాంటి అమ్మాయి చాలా అవసరం అని చెప్పింది. అలాగే, శ్రీరామ్ చంద్రని కృష్ణుడ్ని చేద్దామని అనుకున్నాం కానీ, రాముడిలాగానే ఉండిపోయాడు అంటూ మాట్లాడింది.
షణ్ముక్ పక్కింటి అబ్బాయిలాగా అనిపిస్తాడని, తమ్ముడు అని పిలుద్దామనుకున్నాను కానీ ముదిరిపోయిన బెండకాయ్ అని తెలిసి అన్నయ్యా అన్నాను అంటూు చెప్పింది. ఇక , సన్నీని కాసేపు ఏడిపించింది. ఫస్ట్ లో తన స్వప్నసుందరి అని అనుకున్నాడు కానీ, నేను అన్నయ్యా అంటూ గాలి తీసేశానని చెప్పింది. ఇక తనకి ఇష్టమైన మానస్ గురించి చెప్తూ కన్నీళ్లు కార్చుకుంది. మానస్ ని ఫస్ట్ చూసినపుడు ఫోజ్ కొట్టాడని, చాలా పొగరని అనుకున్నాను, అస్సలు మాట్లాడద్దని డిసైడ్ అయ్యానని చెప్పింది.
అంతేకాదు, హౌస్ లో డేస్ గడిచేకొద్ది బాగా కనెక్ట్ అయ్యాడని, తన ఫ్రెండ్షిప్ నుంచీ నేను ఎంతో నేర్చుకున్నాను అంటూ మాట్లాడింది. నీ ఫ్రెండ్షిప్ అనేది నాకు ఎప్పటికీ కావాలని చెప్పింది. ఇక్కడే ఎప్పూడూ నువ్వు ఏం ఎక్స్ పెక్ట్ చేస్తుంటావ్ అని అడుగుతావ్ కదా.. నిన్ను విన్నర్ గా చూడాలని అనుకుంటున్నా అంటూ కన్నీళ్లు పెట్టుకుంది ప్రియాంక.
ఇక మానస్ తను వెళ్లిపోతున్న బాధని దిగమింగుకుంటూ ఆమెకోసం ఒక పాటని పాడాడు. ఉప్పెనంత ఈ ప్రేమకి గుప్పెడంత గుండె ఏమిటో అనే పాటని పాడేసరికి భావోద్వేగానికి గురి అయ్యింది పింకీ. శ్రీరామ్ కూడా ప్రియా.. ప్రియా.. చంపొద్దే అనే పాటని ప్రియాంక కోసం పాడి అంకితమిచ్చాడు. భారమైన హృదయంతో హౌస్ నుంచీ బయటకి వచ్చింది ప్రియాంక సింగ్.
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
