బాలీవుడ్ లో మొట్టమొదటి 100 కోట్ల సినిమాను ప్రొడ్యూస్ చేసిన మన అగ్ర నిర్మాత అల్లు అరవింద్ తన బ్యానర్ లో ఆల్రెడీ మూడు వంద కోట్ల సినిమాలు తీసి నిర్మాతగా తన స్థాయిని పెంచుకున్న విషయం తెలిసిందే. ఇప్పుడు ఆ బ్యానర్ ఖ్యాతిని మరింతగా పెంచేందుకు సన్నద్ధమవుతున్నాడు అల్లు అరవింద్. తమ బ్యానర్ ను 100 కోట్ల క్లబ్ లో జాయిన్ చేసిన “గజినీ”కి సీక్వెల్ గా “గజిని 2” ప్రొడ్యూస్ చేయనున్నాడని తెలుస్తోంది. ఈమేరకు ఆల్రెడీ టైటిల్ రిజిస్ట్రేషన్ కూడా పూర్తయ్యింది.
గీతా ఆర్ట్స్ బ్యానర్ లో రూపొందనున్న ఈ “గజిని 2” తెలుగు, తమిళ, హిందీ భాషల్లో ఏకకాలంలో రూపొందనుంది. ఈ సెక్వెల్లో ఒరిజినల్ వెర్షన్ స్టార్లైన అమీర్ ఖాన్, సూర్యలలో ఎవరు నటిస్తారనేది తెలియదు కానీ.. 2019లో మొదలవ్వనున్న క్రేజీయస్ట్ ప్రొజెక్ట్ ఇదే కావచ్చు. ఈ ప్రొజెక్ట్ ను ఎవరు డైరెక్ట్ చేస్తారు> ఎవరు నటిస్తారు వంటి డీటెయిల్స్ అన్నీ తెలియాలంటే ఇంకొన్ని నెలలు ఆగాల్సిందే.
