సమంత – గుణశేఖర్‌ – దిల్‌ రాజు కాంబో భారీ స్థాయిలో ప్రతిష్ఠాత్మకంగా ప్రారంభమైంది ‘శాకుంతలం’. అలనాటి కథ కావడంతో ఆలస్యం అవుతుందేమో అనుకుంటే, చాలా వేగంగా పూర్తి చేశారు. సమంతను దేవకన్యలా చూపిస్తూ ఓ పోస్టర్‌ను కూడా లాంచ్‌ చేశారు. కానీ అప్పటి నుండి ఇప్పటివరకు ఎలాంటి సమాచారం లేదు. సినిమా ఎంతవరకు వచ్చింది అనేది తెలియడం లేదు. దీంతో సినిమా ఉందా? లేదా? అనే ప్రశ్న ఒక సోషల్‌ మీడియాలో వినిపించింది. వీటికి నిర్మాత నీలిమా గుణ పూర్తి క్లారిటీ ఇచ్చారు.
‘రుద్ర‌మ‌దేవి’తో పెద్ద రిస్క్‌ చేసి ఇబ్బంది పడిన గుణశేఖర్‌ ‘శాకుంతలం’ చేస్తున్నారు. ఈ సినిమా చిత్రీక‌ర‌ణ గతేడాదే పూర్త‌యింది. సమంత ఈ సినిమా నుండి రిలీవ్‌ అయ్యి వేరే చిత్రాల్లో కూడా న‌టిస్తోంది. కానీ ‘శాకుంతలం’ రావడం లేదు. దీంతో ఏమైందా అని నిర్మాత, గుణశేఖర్‌ కూతురు అయిన నీలిమా గుణను సోషల్‌ మీడియాలో అడుగుతున్నారు ఫ్యాన్స్‌. దీనికి తాజాగా ఆమె సమాధానాలిచ్చారు. ‘‘ఫస్ట్ టీజర్, ఇత‌ర అప్‌డేట్స్ అతి త్వ‌ర‌లో రాబోతున్నాయి’’ అంటూ నీలిమా వెల్లడించారు.
దాంతోపాటు సినిమా ఈ ఏడాది వ‌స్తుందా, లేక వ‌చ్చే ఏడాది రిలీజ్ చేస్తారా అని అడిగితే ‘‘ఈ ఏడాదే’’ అని కూడా బదులిచ్చారు నీలిమా గుణ. ‘శాకుంతలం’ టీం నుండి సినిమా విషయంలో క‌ద‌లిక రావ‌డంతో ఫ్యాన్స్‌ హమ్మయ్య అనుకున్నారు. ఈ క్రమంలో ఇంకో అభిమాని ‘శాకుంతలం’లో అనుష్క ఉందా? అని అడిగారు. ‘‘స్వీటీ (అనుష్క) మాపై చూపిస్తున్న ప్రేమకు, మాకు ఇస్తున్న మద్దతుకు ఎప్పుడూ కృతజ్ఞతతో ఉంటాం.
కానీ ‘శాకుంతలం’లో ఆమె లేరు. అటువంటి అతిథి పాత్ర ఏదీ సినిమాలో లేదు’’ అని నీలిమా గుణ తెలిపారు. ఈ సినిమాలో దుష్యంతుడి పాత్రలో మలయాళ హీరో దేవ్ మోహన్ నటించాడు. అనన్యా నాగళ్ల కీలక పాత్ర చేసింది. ఇక అల్లు అర్జున్ కుమార్తె అల్లు అర్హ ఓ పాత్రలో నటించింది. మరి సినిమాకు సంబంధించి అప్డేట్స్‌గా ఏదైనా లుక్‌ను విడుదల చేస్తే బాగుంటుంది టీమ్‌.. వింటున్నారా?
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
Home