మాస్‌ సినిమాను క్లాస్‌ లుక్‌లో, క్లాస్‌ సినిమాను మాస్‌ ఫ్లేవర్‌లో తీయాలంటే త్రివిక్రమ్‌ తర్వాతే ఎవరైనా అంటుంటారు. కత్తితో తొడ కొట్టడం లాంటి కాన్సెప్ట్‌లు ఆయన దగ్గర చూశాం కూడా. అలాంటి త్రివిక్రమ్‌ దర్శకత్వంలో ప్రభాస్ నటిస్తే ఎలా ఉంటుంది? ఆ కటౌట్‌కి త్రివిక్రమ్‌ ఫ్లేవర్‌ యాడ్‌ అయితే అదిరిపోతుంది కదా. అందుకే ఈ కాంబినేషన్‌ కోసం చాలా ఏళ్లుగా అభిమానులు ఎదురు చూస్తున్నారు. తాజాగా ఈ కాంబోపై ప్రముఖ నిర్మాత నాగవంశీ మాట్లాడారు. ఇప్పుడు ఆయన మాటలు వైరల్‌గా మారిపోయాయి.
హారిక హాసిని క్రియేషన్స్‌, సితార ఎంటర్‌టైన్మెంట్స్‌ పతాకాలపై ఈ మధ్య వరుసగా సినిమాలు తీసుకొస్తున్నారు. పరిమిత బడ్జెట్‌, భారీ బడ్జెట్‌ అనే లెక్కలు లేకుండా అన్నింటా తమ బ్యానర్‌ ఉండాలని చూసుకుంటూ.. చేసుకుంటూ డబ్బులు, పేరు రెండూ సంపాదిస్తున్నారు. అదే సమయంలో కుర్ర హీరోలు, సీనియర్‌ హీరోలతో కూడా సినిమాలు తీస్తున్నారు. మరి ప్రభాస్‌తో సినిమా సంగతేంటి అని నాగవంశీని అడిగితే.. ‘సాహో’ సినిమా తర్వాతి నుండి ట్రై చేస్తున్నాం.. అని చెప్పారు.
ఇండస్ట్రీలో వరుసగా సినిమాలు చేస్తూ పెద్ద బ్యానర్‌గా పేరు తెచ్చుకుంది మీ నిర్మాణ సంస్థ… ఎలాంటి సినిమా తీయాలని మీ కోరిక అంటే.. ప్రపంచం మొత్తం మా సినిమా వైపు చూసేలా ఆ సినిమా ఉండాలి అని తన మనసులో మాట చెప్పారు నాగవంశీ. అయితే మరి ప్రభాస్ – త్రివిక్రమ్‌ సినిమా అలానే ఉండొచ్చా.. అంటే భారీ సినిమా తీయాలని అనుకుంటున్నాం. మా దర్శకుడు త్రివిక్రమ్‌ ఎలా అంటే అలా అని చెప్పారు. ఏదైనా ప్రభాస్‌తో చేసే సినిమా మామూలుగా ఉండదు అని కూడా చెప్పారు.
‘బాహుబలి’ సినిమాతో నిర్మాత శోభు యార్లగడ్డ ప్రపంచవ్యాప్తంగా ఎలాంటి పేరు తెచ్చుకున్నారో, ఆ సినిమాకు ఎలాంటి రెస్పాన్స్‌ వచ్చిందో మేం చేయాలనుకుంటున్న సినిమాకు కూడా అలాంటి పేరే రావాలని కోరుకుంటున్నాం అని చెప్పారు నాగవంశీ. సో.. హారిక హాసిని నుండి భారీ సినిమాను త్వరలోనే ఎక్స్‌పెక్ట్‌ చేయొచ్చన్నమాట.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
