Pushpa 2: జానీ మాస్టర్ తో సాంగ్ పై నిర్మాత క్లారిటీ..!

ఈరోజు ‘పుష్ప 2’ ’ (Pushpa 2)  మొదటి ప్రెస్ మీట్ జరిగింది. నిర్మాతలు, డిస్ట్రిబ్యూటర్లు ఈ ఈవెంట్లో పాల్గొన్నారు. రిలీజ్ డేట్ ఒక రోజు ముందుకు జరుపుతున్నట్టు ప్రకటించడం కోసం అంటే డిసెంబర్ 6 నుండి డిసెంబర్ 5 కి జరపడం కోసం మాత్రమే.. ఈ ఈవెంట్ ను నిర్వహించారు. అల్లు అర్జున్ (Allu Arjun) , దర్శకుడు సుకుమార్ (Sukumar) ..లు ఈ వేడుకకు హాజరు కాలేదు. మరోపక్క ‘పుష్ప 2’ కి సంబంధించి ‘క్యూ అండ్ ఎ’ ని కూడా నిర్వహించారు.

Pushpa 2

ఈ క్రమంలో రిపోర్టర్స్ అంతా తమ టాలెంట్ చూపించడానికి కొన్ని కాంట్రోవర్సీ అలాగే వైరల్ అయ్యే ప్రశ్నలని పాకెట్లోకి వేసుకుని వచ్చారు. వీటికి నిర్మాతలు ఓపిగ్గా సమాధానాలు ఇచ్చారు. ‘మెగా అభిమానులు ‘పుష్ప 2′ చూస్తారా?’ పలనా ఏరియాలో ‘పుష్ప’ (Pushpa)  బ్రేక్ ఈవెన్ కాలేదట కదా? అంటూ విడివిడి జ్ఞానంతో కూడిన ప్రశ్నలు అడిగారు కొంతమంది రిపోర్టర్లు. ఇదే క్రమంలో ఓ రిపోర్టర్ ‘ఈరోజు జానీ మాస్టర్ కి బెయిల్ వచ్చింది.

మీ సినిమాలో ఇంకో సాంగ్ అతను కొరియోగ్రఫీ చేయాలట కదా. మరి చేయనిస్తారా?’ అంటూ అడిగాడు. ‘జానీ మాస్టర్ (Jani Master)  కొరియోగ్రఫీ చేయాల్సిన ఇంకో పాటని వేరే కొరియోగ్రాఫర్ తో చేయించుకుంటున్నట్లు’ ‘పుష్ప 2’ మేకర్స్ ముందుగానే ప్రకటించారు. అయినప్పటికీ రిపోర్టర్లు ఈ విషయంపై ప్రశ్న అడగడాన్ని ఏమనాలో వాళ్ళే గ్రహించుకోవాలి. అయినప్పటికీ నిర్మాత నవీన్ ఎర్నేని (Naveen Yerneni) ‘ఆ సాంగ్ కి వేరే కొరియోగ్రాఫర్ సెట్ అయ్యారు. వాళ్ళతోనే చేయించుకుంటాం’ అంటూ సమాధానం ఇచ్చారు.

‘పుష్ప 2’ .. ఆయనకు స్పెషల్ గా చూపించారట!