దేశం మొత్తం సంచలనాలు సృష్టించిన ‘పుష్ప’ సినిమాకు నిర్మాతలు ఎవరు అని అంటే.. ‘మైత్రీ మూవీ మేకర్స్’ అని ఠక్కున చెప్పేస్తారు. అయితే నిజానికి ఆ సినిమాలో వాళ్లు పూర్తి నిర్మాతలు కాదు. మైత్రీ మూవీ మేకర్స్‌తో కలసి ముత్తంశెట్టి మీడియా నిర్మించింది. అంటే ఆ సినిమాకు ఇద్దరు నిర్మాతలు. అయితే ‘పుష్ప 2’ దగ్గరకు వచ్చేసరికి నిర్మాత మారిపోయారు. క్లాప్ బోర్డుపై మైత్రీ మూవీ మేకర్స్ పేరు అలానే ఉండగా.. రెండో నిర్మాత పేరు మారిపోవడం గమనించొచ్చు.
‘పుష్ప’రాజ్‌ లేకుండా ‘పుష్ప ది రూల్‌’ సినిమా ఇటీవల మొదలైన విసయం తెలిసిందే. సినిమా పూజా కార్యక్రమాల్ని ఇటీవల ఘనంగా నిర్వహించారు. ఈ సందర్భంగా చిత్రీకరించిన వీడియో, తీసిన ఫొటోలను టీమ్‌ విడుదల చేసింది. ఆ ఫొటోలు చూస్తే.. నిర్మాణ సంస్థల పేర్లలో ముత్తంశెట్టి మీడియా పేరు కనిపించడం లేదు. ఆ స్థానంలో సుకుమార్ సొంత నిర్మాణ సంస్థ సుకుమార్ రైటింగ్స్‌ వచ్చి చేరింది. అంటే ‘పుష్ప 2’కి సుకుమార్ దర్శకత్వంతోపాటు నిర్మాతగానూ వ్యవహరిస్తున్నారన్నమాట.
అల్లు అర్జున్‌ మేనమామలకు చెందినదే ముత్తంశెట్టి మీడియా అనే విషయం తెలిసిందే. ‘పుష్ప’ ప్రచారంలో భాగంగా ఈ విషయాన్ని అల్లు అర్జున్‌ చాలాసార్లు చెప్పారు. మా వాళ్లకు సినిమా చేస్తానని ఎప్పటి నుండో అనుకుంటున్నా ‘పుష్ప’తో ఆ పని చేస్తున్నా అని చెప్పారు. అయితే ఈ ఆలోచన ఒక్క సినిమాకే పరిమితం చేశారు అన్నమాట. ఇక సుకుమార్ స్ట్రయిట్‌గా నిర్మాణంలోకి వచ్చేశారు. ఆయన భార్య బబిత నిర్మాణ పనులు చూసుకుంటారని టాక్‌.
ఇక ఈ సినిమా సంగతి చూస్తే.. ఈ ఏడాది ప్రథమార్ధంలోనే మొదలవుతుంది అని చెప్పారు. అయితే కథ మీద కసరత్తులు ఇంకా పూర్తి కాకపోవడంతో ఇన్నాళ్లూ వెయిట్‌ చేస్తూ వచ్చారు. ఆఖరికి సోమవారం పని ప్రారంభించారు. అయితే అల్లు అర్జున్‌ లేకుండా సినిమా పనులు మొదలయ్యేట్లు పూజా కార్యక్రమం నిర్వహించడం ఏంటో అర్థం కావడం లేదు. బన్నీ ప్రస్తుతం న్యూయార్క్‌లో ఉన్న విషయం తెలిసిందే. గ్రాండ్‌ మార్షల్‌ హోదాలో అక్కడ మన స్వాంతంత్ర్య వేడుకల్లో పాల్గొన్నారు. అయితే ముహూర్తం సమయానికి వచ్చేయొచ్చు కదా అనే మాటలు సోషల్‌ మీడియాలో వినిపిస్తున్నాయి.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
