Kalki 2898 AD: ‘కల్కి 2898 ఏడీ’ సీక్వెల్‌ మొదలయ్యేది అప్పుడే.. నిర్మాత క్లారిటీ!

బ్లాక్‌బస్టర్‌ సినిమాకు అందులోనూ రూ. వెయ్యి కోట్ల మార్కు దాటిన సినిమాకు సీక్వెల్‌ అంటే అందరికీ ఆసక్తి ఉంటుంది. రీసెంట్‌గా అలాంటి ఫీట్‌ సాధించిన సినిమా ‘కల్కి 2898 ఏడీ’  (Kalki 2898 AD)  . ఈ సినిమాకు సీక్వెల్‌ ఉంటుంది అని చిత్రబృందం ఇప్పటికే చెప్పేసింది. తాజాగా ఈ సినిమా కొనసాగింపు చిత్రం ‘కే 2’ (చర్చలో ఉన్న టైటిల్‌) గురించి నిర్మాతల్లో ఒకరైన స్వప్న దత్‌ చెప్పారు. ‘కల్కి 2898 ఏడీ’ సినిమా నిర్మాతలు స్వప్న దత్‌ (Swapna Dutt) , ప్రియాంక దత్ (Priyanka Dutt) ఇటీవల రష్యాలో జరిగిన మాస్కో ఇంటర్నేషనల్‌ ఫిల్మ్‌ వీక్‌లో పాల్గొన్నారు.

Kalki 2898 AD

ఈ సమయంలోనే ‘కల్కి 2898 ఏడీ 2’ అప్‌డేట్‌ ఇచ్చారు. సినిమా షూటింగ్ జనవరి, ఫిబ్రవరిలో మొదలుపెట్టనున్నట్లు చెప్పారు. ఇక షూటింగ్‌ ప్రారంభమైన తర్వాత పార్ట్‌ 2 నుండి మరిన్ని అప్‌డేట్స్‌ వస్తాయని చెప్పారు. ‘‘కల్కి 2898 ఏడీ’ సినిమా విడుదలైన మొదటి వారంలో ప్రపంచం నలుమూలల నుండి ప్రముఖులు ప్రశంసలు కురిపించారు. మాకు అంతమంది మద్దతు ఇచ్చినందుకు ఆనందం వేసింది. సినిమా సక్సెస్‌ సెలబ్రేషన్స్‌ ఇంకా చేసుకోలేదు.

ప్రస్తుతానికి వాట్సప్‌లో మాత్రమే ఆ సెలబ్రేషన్స్‌ జరుగుతున్నాయి అని స్వప్న దత్‌ చెప్పారు. అంటే త్వరలో ‘కల్కి 2898 ఏడీ’ సక్సెస్‌ సెలబ్రేషన్స్‌ భారీ ఎత్తున చేస్తారు అని చెప్పొచ్చు. కొన్ని రోజుల క్రితం ఓ సందర్భంలో నిర్మాత అశ్వినీదత్‌ మాట్లాడుతూ.. ‘కల్కి 2898 ఏడీ’ సినిమా రెండో భాగం షూటింగ్‌ కొంతమేర పూర్తయిందని తెలిపారు. కొన్ని కీలక సన్నివేశాలు, వీఎఫ్‌ఎక్స్‌ పనులు పూర్తిచేయాల్సి ఉందని తెలిపారు.

ఇక సినిమా చర్చల్లో ఉండగానే.. రెండు భాగాలుగా చేయాలన్న ఆలోచన వచ్చిందని అశ్వనీదత్‌(C. Aswani Dutt)  తెలిపారు. కమల్‌ హాసన్‌ (Kamal Haasan) సినిమాలో ఎంటర్‌ అయ్యాక.. సీక్వెల్‌ కచ్చితంగా చేయాలని ఫిక్స్‌ అయ్యామని చెప్పారు. నాగ్‌ అశ్విన్‌ (Nag Ashwin) దర్శకుడిగా తెరకెక్కిన ఈ సినిమా జూన్‌ 27న విడుదలై భారీ విజయం అందుకున్న సంగతి తెలిసిందే. ఇప్పుడు నాగీ సీక్వెల్‌ ప్రీ ప్రొడక్షన్‌ పనులలో బిజీగా ఉన్నారని టాక్‌.

‘పుష్ప 2’… చాలా ప్రామిస్..లు చేసేసిన నిర్మాత..!