‘ఆకాశం నీ హద్దురా’ అమెజాన్ ముచ్చట తీర్చింది.. కానీ?

November 12, 2020 / 05:29 PM ISTByFilmy Focus

Join Us

‘ఆకాశం నీ హద్దురా’ అమెజాన్ ముచ్చట తీర్చింది.. కానీ?

ఎయిర్ డెక్క‌న్ వ్యవస్థను స్థాపించిన గోపీనాథ్ జీవిత క‌థతో రూపొందింది ‘ఆకాశం నీ హద్దురా’ చిత్రం.సూర్య హీరోగా సుధ కొంగ‌ర డైరెక్షన్లో తెరకెక్కిన ఈ చిత్రం నేరుగా ఓటిటిలో విడుదలయ్యింది. అమెజాన్ ప్రైమ్ వారు ఈ చిత్రం హక్కులను సొంతం చేసుకున్న సంగతి తెలిసిందే. అయితే ఈ మధ్యకాలంలో నేరుగా అమెజాన్ లో విడుదలైన ‘పెంగ్విన్’ ‘వి’ ‘నిశ్శబ్దం’ వంటి చిత్రాలు ప్రేక్షకులను నిరాశ పరిచాయి. కోట్లకు కోట్లు పెట్టుబట్టి పెట్టి ఆ చిత్రాల హక్కులను కొనుగోలు చేశారు అమెజాన్ వారు.

అంతేకాదు ఓ రేంజ్లో ప్రమోషన్ కూడా చేసారు.వ్యూయర్ షిప్ ను బట్టి ఆ సినిమాలు సేఫ్ అయ్యి ఉండొచ్చు కానీ.. ప్రేక్షకులను మాత్రం సంతృప్తిపరచలేదనే చెప్పాలి. వీటి కారణంగా ‘ఆకాశం నీ హద్దురా’ సినిమా పై కూడా అనుమానాలు నెలకొన్నాయి. కానీ ఈసారి ఆ సెంటిమెంట్ బ్రేక్ అయ్యింది.ప్రస్తుతం ఈ చిత్రం సూపర్ హిట్ టాక్ తో దూసుకుపోతుంది. తమిళ్ తో తెలుగు, మలయాళం వంటి భాషల్లో క్రేజ్ ఉన్న సూర్య సినిమా ఓటిటిలో విడుదలవ్వడం అంటే మాటలు కాదు.

అందుకే మొదటి షో నుండే ఎగబడి చూస్తున్నారు ప్రేక్షకులు. దాంతో ఈ చిత్రానికి మౌత్ టాక్ చాలా బాగుంది. దీపావళి సెలవలు కూడా ఉన్నాయి కాబట్టి.. ఈ వీకెండ్ మొత్తం కలుపుకుని ‘ఆకాశం నీ హద్దురా’ చిత్రం.. అదిరిపోయే వ్యూయర్ షిప్ ను నమోదు చేసే అవకాశం పుష్కలంగా ఉందనే చెప్పాలి. అమెజాన్ ముచ్చటను ఈ చిత్రం తీర్చింది కానీ… ఇంత మంచి చిత్రాన్ని థియేటర్లలో చూసి ఎంజాయ్ చెయ్యలేకపోయామే అనే అసంతృప్తి మాత్రం ప్రేక్షకుల్లో ఉండిపోతుంది.