డైనమిక్ డైరెక్టర్ పూరి జగన్నాద్ మెగాస్టార్ చిరంజీవికి పెద్ద ఫ్యాన్. స్టార్ డైరెక్టర్ అయినా కూడా చిరుతో మూవీ చేసే అవకాశం పూరికి దక్కలేదు. పూరి మంచి ఫార్మ్ లో ఉండగా చిరంజీవి పాలిటిక్స్ లోకి వెళ్లిపోయారు. ఐతే చిరు కుమారుడు చరణ్ ని చిరుత మూవీతో లాంచ్ చేసే అవకాశం మాత్రం పూరికి దక్కడం విశేషం. కానీ చిరుతో మూవీ చేయాలనే కల మాత్రం పూరీకి అలాగే ఉండి పోయింది. ఇక పాలిటిక్స్ నుండి రిటైర్మెంట్ తీసుకున్న చిరంజీవి తన కమ్ బ్యాక్ మూవీ ఎవరితో చేయాలీ, ఎలాంటి చిత్రం చేయాలనీ చాలా ఆలోచించారు.
ఆ సమయంలో దర్శకుడు పూరి జగన్నాధ్ పేరు కూడా తెరపైకి వచ్చింది. పూరి ఆటో జానీ పేరుతో ఓ పక్కా మాస్ ఎంటర్టైనర్ చిరుతో చేయాలి అనుకున్నారు. పూరి స్క్రిప్ట్ విన్న చిరు ఎందుకో సంతృప్తి చెందలేదు. సేఫ్ సైడ్ గా తమిళ హిట్ మూవీ కత్తి ని తెలుగులో ఖైదీ 150 పేరుతో వివి వినాయక్ దర్శకత్వంలో చేశారు. ఆ మూవీ మంచి విజయం సాధించి చిరుకు మంచి కమ్ బ్యాక్ మూవీగా నిలిచింది. పూరి మాత్రం చిరుతో మూవీ చేయాలనే పట్టుదల మాత్రం వదల్లేదు.
చిరు మెచ్చే స్క్రిప్ట్ సిద్ధం చేసి, ఆయనతో సినిమా చేస్తాను అన్నారు. ఇక లాక్ డౌన్ సమయం నుండి పూరి కొత్త కథలు రాయడంలో నిమగ్నం అయ్యారు. ఈనెలలో పూరి, చిరంజీవిని తన నివాసంలో కలిసి కథను చెప్పినట్లు వార్తలు వస్తున్నాయి. ఈ నేపథ్యంలో చిరు, పూరీల క్రేజీ కాంబినేషన్ త్వరలో సెట్స్ పైకి వెళ్లే సూచనలు కలవు అని అంటున్నారు. మరి చూడాలి పూరి ప్రయత్నం ఎంత వరకు ఫలితం ఇస్తుందో?
Most Recommended Video
40 ఏళ్ళ వయసొచ్చినా.. పెళ్లి గురించి పట్టించుకోని హీరొయిన్స్..!
విడాకులతో కోట్లకు పడగెత్తిన సెలెబ్రిటీలు!
ఈ సూపర్ హిట్లను మిస్ చేసుకున్న టాలీవుడ్ హీరోలు..?
