Pushpa2 Release Date: అల్లు అర్జున్ ‘పుష్ప 2 ‘ రిలీజ్ డేట్ ఫిక్స్.. !

అల్లు అర్జున్ హీరోగా సుకుమార్ దర్శకత్వంలో రూపొందిన ‘పుష్ప ది రైజ్’ చిత్రం ఎంత పెద్ద సూపర్ హిట్ అయ్యిందో ప్రత్యేకంగా చెప్పనవసరం లేదు. 2021 డిసెంబర్ లో రిలీజ్ అయిన ఈ చిత్రం మొదటి రోజు మిక్స్డ్ టాక్ ను మూటగట్టుకున్నప్పటికీ.. రెండో రోజు నుండి బాగా పికప్ అయ్యింది. నార్త్ లో అయితే ఈ మూవీ ఎవ్వరూ ఊహించని విధంగా రూ.108 కోట్ల నెట్ కలెక్షన్స్ ను సాధించింది.దీంతో ‘పుష్ప 2 ‘ సినిమా పై భారీ అంచనాలు నెలకొన్నాయి.

నార్త్ లో ఈ సినిమాకి రూ.200 కోట్ల వరకు బిజినెస్ జరుగుతుంది. మొత్తంగా రూ.1000 కోట్లు ఆఫర్ వచ్చినట్టు కూడా కథనాలు వినిపిస్తున్న సంగతి తెలిసిందే. ‘పుష్ప’ చిత్రంలో అల్లు అర్జున్ నటనకి గాను నేషనల్ అవార్డు కూడా లభించడంతో ‘పుష్ప 2 ‘ రేంజ్ ఇంకా పెరిగినట్టు అయ్యింది. ఇక ‘పుష్ప 2 ‘ చిత్రం ‘పుష్ప ది రూల్’ పేరుతో రూపొందుతుండగా.. విడుదల తేదీ ఎప్పుడు ప్రకటిస్తారు అనే ఆసక్తి ప్రేక్షకుల్లో నెలకొంది.

దానికి తెరదించుతూ చిత్ర బృందం తాజాగా విడుదల తేదీని ప్రకటించారు. 2024 ఆగస్టు 15న స్వాతంత్ర దినోత్సవం సందర్భంగా ‘పుష్ప 2 ‘ ని రంగంలోకి దించుతున్నట్లు చిత్ర బృందం తెలిపింది. ఆగస్టు నెల పాన్ ఇండియా సినిమాలకి బాగా కలిసొస్తుంది అనే పేరుంది. కాబట్టి.. ‘పుష్ప 2 ‘ మేకర్స్ మంచి డేట్ ను లాక్ చేసినట్టే అని చెప్పాలి.

జవాన్ సినిమా రివ్యూ & రేటింగ్!

మిస్ శెట్టి మిస్టర్ పోలిశెట్టి సినిమా రివ్యూ & రేటింగ్!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!