ఢిల్లీ సుందరి రాశీఖన్నాకి ఈ ఏడాది కలిసి వచ్చేలా ఉంది. ఊహలు గుసగుసలాడే సినిమా ద్వారా తెలుగులో ఎంట్రీ ఇచ్చిన ఈ ముద్దుగుమ్మ జిల్, జోరు, శివమ్ , హైపర్, సుప్రీమ్ చిత్రాలలో నటించింది. బెంగాల్ టైగర్ చిత్రంలో మాస్ మహారాజ రవితేజతో స్టెప్పులేసినా ఆ చిత్రం విజయం సాధించకపోవడం ఆమె కెరీర్ గ్రాఫ్ డౌన్ అయింది. ఈ ఏడాది భారీ సినిమాలలో నటించి టాలీవుడ్ అగ్ర కథానాయికల జాబితాలో చేరిపోనుంది. సుకుమార్ దర్శకత్వంలో రామ్ చరణ్ చేయనున్న విలేజ్ లవ్ స్టోరీలో అవకాశం కొట్టేసిన రాశీ ఖన్నా, తాజాగా ఎన్టీఆర్ 27 వ సినిమాలో ఓకే హీరోయిన్ గా ఛాన్స్ దక్కించుకుంది.
ఎన్టీఆర్ ఆర్ట్స్ బ్యానర్లో కళ్యాణ్ రామ్ వంద కోట్ల బడ్జెట్ తో నిర్మిస్తున్న ఈ ఫిల్మ్ లో ఎన్టీఆర్ మూడు పాత్రల్లో కనిపించనున్నారు. ఆ ముగ్గురు పక్కన ముగ్గురు భామలు నటించనున్నారు. అందులో ఒకరిగా ఢిల్లీ భామ ఫిక్స్ అయినట్లు సమాచారం. ఫిబ్రవరి 11 న పూజా కార్యక్రమాలు జరుపుకోనున్న ఈ మూవీపై భారీ అంచనాలున్నాయి. ఈ రెండు చిత్రాలు విజయ వంతమైతే రాశీ ఖన్నా టాప్ హీరోయిన్ కావడం గ్యారంటీ.
Also, do SUBSCRIBE to our YouTube channel to get latest Tollywood updates.
