Radhe Shyam Movie: ‘రాధేశ్యామ్‌’ ఇలా అయితే ఎప్పటికి పూర్తవుతుందో!

ప్రభాస్‌ అభిమానుల్ని కదిలిస్తే వచ్చే ప్రశ్న ‘రాధే శ్యామ్‌’ ఎప్పుడు? అంతగా ఆ సినిమా గురించి కళ్లు కాయలు కాచేలా ఎదురు చూస్తున్నారు మరి. ఎప్పుడో 2018 అక్టోబరులో మొదలైంది సినిమా. ఎంత పెద్ద సినిమా (రాజమౌళి సినిమా కాకపోతే) అయినా మహా అయితే ఓ వంద రోజుల్లో పూర్తయిపోతుంది. కానీ ఈ సినిమా మూడేళ్లు పూర్తవుతోంది. కరోనా కారణంగా చూపించే పరిస్థితీ లేదు. ఎందుకంటే అదొచ్చి ఏడాదిన్నరే అయింది.

‘రాధే శ్యామ్‌’ ఆలస్యానికి తొలుత కథలో లోపం అని తెలిసింది. తర్వాత ఏవేవో మార్పులు చేసి… సినిమా పూర్తి చేశారు. తీరా విడుదల చేద్దాం అనేసరికి రీషూట్లు ప్రారంభించారు. కీలక సన్నివేశాల విషయంలో టీమ్‌ అసంతృప్తి వ్యక్తం చేసి ఇక్కడే విదేశాల సెట్స్‌ వేసి రీషూట్‌ చేశారు. ఇవి కూడా చాలా రోజుల నుండి జరుగుతున్నాయి. కరోనా ఫస్ట్‌ వేవ్‌ తర్వాత రిలీజ్‌ కూడా చెప్పేశారు. హమ్మయ్య ఇక సినిమా వచ్చేస్తుంది అనుకున్నారంతా.

అయితే ఇప్పుడు సినిమా మళ్లీ రీషూట్‌ చేస్తున్నారని తెలుస్తోంది. సినిమాలో ఇంకొన్ని సీన్స్‌, ప్యాచ్‌ వర్క్స్‌ కోసం పనులు మొదలయ్యాయట. ఇదంతా చూస్తుంటే… మొత్తం సినిమానే తిరిగి షూట్‌ చేస్తున్నారా? అంటూ సోషల్‌ మీడియాలో మీమ్స్‌, కామెంట్స్‌ మొదలయ్యాయి. సినిమా దర్శకుడు రాధాకృష్ణ ఇంకా రెండో సినిమానే అలా పట్టుకుని కూర్చుంటే… ముందుకు ఎప్పుడు వెళ్తాడో అర్థం కావడం లేదు.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్