కె.రాఘవేంద్ర రావు.. ఈ పేరు గురించి ప్రత్యేక పరిచయం అవసరం లేదు. మాస్ సినిమాలు, ఫ్యామిలీ సినిమాలు, భక్తిరస సినిమాలు తెరకెక్కించడంలో ఈయన దిట్ట. అంతేకాదు ఎక్కువ కాలం స్టార్ డైరెక్టర్ గా రాణించిన అతి కొద్దిమందిలో ఈయన కూడా ఒకరు. అంతేకాదు 100కి పైగా సినిమాలకి దర్శకత్వం వహించి ఎక్కువ హిట్ పర్సెంటేజ్ కలిగిన దర్శకుడిగా చరిత్రకెక్కారు. అయితే కొత్త డైరెక్టర్ల ఊపుతో రాఘవేంద్ర రావు గారి హవా తగ్గుతూ వచ్చింది.
‘ఓం నమో వెంకటేశాయ’ చిత్రం తర్వాత ఈయన దర్శకత్వంలో మరో సినిమా రాలేదు. దాంతో ఈయన రిటైర్మెంట్ తీసుకున్నారనే కథనాలు వినిపించాయి. అయితే ఈయన రూటు మార్చి నటన వైపు అడుగులు వేస్తున్నారు. ఆయన దర్శకత్వ పర్యవేక్షణలో… ‘పెళ్ళిసందD’ అనే చిత్రం రూపొందుతోన్న సంగతి తెలిసిందే. ఆ చిత్రంలో ఈయన చిన్న పాత్రని పోషిస్తున్నారు. అంతేకాకుండా హీరోగా కూడా కె.రాఘవేంద్ర రావు గారు సినిమా చేయబోతున్నారు. తనికెళ్ళ భరణి దర్శకత్వంలో కె.రాఘవేంద్ర రావు గారు హీరోగా ఓ సినిమా చేయబోతున్నట్టు గతంలో ప్రచారం జరిగింది.
దాంతో పాటు ఇప్పుడు మరో దర్శకుడు తెరకెక్కించే సినిమాలో కూడా కె.రాఘవేంద్ర రావు గారు హీరోగా చేయబోతున్నారట. ‘మనసంతా నువ్వే’ ‘నేనున్నాను’ వంటి హిట్ సినిమాలని తెరకెక్కించిన దర్శకుడు వి.ఎన్.ఆదిత్య ఈ చిత్రానికి దర్శకత్వం వహించబోతున్నట్టు సమాచారం. ఒకప్పుడు రాఘవేంద్ర రావు గారు మాట్లాడితే చూడాలని… చాలా మంది ప్రేక్షకులు అనుకునేవారు. అలాంటిది ఇప్పుడు ఆయన ఏకంగా హీరోగా కూడా మారి సినిమాలు చేస్తుండడం అదీ 79 ఏళ్ళలో కావడం ఆశ్చర్యం కలిగించే విషయం.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home