మొదట తెలుగు చిత్ర పరిశ్రమలో సినిమాటోగ్రాఫర్ గా మంచి గుర్తింపును అందుకున్న రాహుల్ సాంకృత్యాయన్ ఆ తర్వాత దర్శకుడిగా మారిన విషయం తెలిసిందే. మొదటి సినిమా టాక్సీ వాలాను విజయ్ దేవరకొండ తో చేసి బాక్స్ ఆఫీసు వద్ద మంచి విజయాన్ని అందుకున్నాడు. ఇక ఆ తర్వాత రెండో సినిమా కోసం దర్శకుడు చాలా కాలం పాటు ఎదురుచూడాల్సి వచ్చింది. నాని తో చేసిన శ్యామ్ సింగరాయ్ సినిమా కూడా మొత్తానికి బాక్సాఫీస్ వద్ద మంచి లాభాలను అందించింది.
ఇటీవల ఓటీటీలో కూడా విడుదలవ్వగా టాప్ ట్రెండింగ్ లిస్టులో నిలవడం విశేషం. ఇటీవల కాలంలో ఏ తెలుగు సినిమాకు కూడా ఓటీటీలో ఆ స్థాయిలో క్రేజ్ అయితే రాలేదు. ఇక రాహుల్ సాంకృత్యాయన్ ప్రస్తుతం ఇండస్ట్రీలో మంచి ఆఫర్స్ వస్తున్నాయి. అగ్ర నిర్మాతలు కూడా తనతో భారీ బడ్జెట్ సినిమాలు చేసేందుకు ఆసక్తిని చూపిస్తున్నారు. ఆ మధ్యకాలంలో రామ్ చరణ్ తో కూడా ఓ సినిమా చేసేందుకు ప్రయత్నం జరిగినట్లుగా ఒక టాక్ అయితే వచ్చింది.
కానీ ప్రస్తుతం మెగాపవర్ స్టార్ బిజీగా ఉండడంతో కొత్త దర్శకులకు అవకాశం ఇచ్చే ఛాన్స్ లేదని తెలుస్తోంది ఇక రాహుల్ సాంకృత్యాయన్ తన తదుపరి ప్రాజెక్టును టైం ట్రావెలింగ్ నేపథ్యంలో తెరపైకి తీసుకు రానున్నట్లు సమాచారం. అంసుకోసం హీరోగా నాగచైతన్య సెలెక్ట్ చేసుకునే అవకాశం ఉన్నట్లుగా తెలుస్తోంది. ఇటీవల కాలంలో నాగ చైతన్య కూడా తన మార్కెట్ ను మెల్లగా పెంచుకుంటున్నాడు. ఇక మొదటి సారి ఆ హీరో టైం ట్రావెల్ నేపథ్యంలో సినిమా చేస్తే కనుక తప్పకుండా బాక్సాఫీస్ వద్ద మంచి ఓపెనింగ్స్ అందుకుంటుందని చెప్పవచ్చు..
ఇక ప్రస్తుతం ఉన్న కమిట్మెంట్స్ అనంతరం నాగచైతన్య రాహుల్ తో సినిమా చేసే అవకాశం ఉందట. మరి ఈ ప్రాజెక్టు ఎప్పుడు తెరపైకి వస్తుందో చూడాలి. నాగచైతన్య ప్రస్తుతం థాంక్యూ సినిమాను విడుదలకు సిద్ధం చేస్తున్నాడు. ఆ సినిమాకు విక్రమ్ కె కుమార్ తెరకెక్కిస్తున్న విషయం తెలిసిందే.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
Home
