పవన్, మహేష్ గురించి రాజా ఏమన్నాడో తెలుసా ?

మంచి కాఫీ లాంటి సినిమా ఆనంద్ ద్వారా యంగ్ హీరో రాజ మంచి హిట్ ని సొంతం చేసుకున్నారు. ఆ తర్వాత అనేక చిత్రాలు చేసినప్పటికీ ఏది మంచి బ్రేక్ ఇవ్వలేకపోయింది. దీంతో అతను సినీ రంగాన్ని వదిలి మత ప్రచారకుడిగా సేవలందిస్తున్నారు. రీసెంట్ గా రాజా ఓ ఛానల్ కి ఇంటర్వ్యూ ఇచ్చారు. అందులో సూపర్ స్టార్ మహేష్ బాబు, పవర్ స్టార్ పవన్ కళ్యాణ్ పై సంచలన కామెంట్స్ చేశారు. “తన పనేంటో తాను చూసుకోవడం మహేశ్‌ బాబు తత్వం. మహేష్ కి అపజయాలు పలకరించినా వాటిని అధిగమించి హిట్ సాధించి టాప్ హీరో అనిపించుకున్నారు” అంటూ మహేష్ బాబుపై ప్రశంసలు కురిపించాడు.

అంతేకాకుండా ‘బంగారం’ సినిమా సమయంలో పవన్ తో ఉన్న అనుబంధం గుర్తు చేసుకున్నారు. ” పవన్ కల్యాణ్ అమాయకుడు, చాలా మేధావి. ఎవరైనా తనకు నచ్చితే వారిని గుండెల్లో పెట్టుకొంటాడు, నచ్చకపోతే దూరం పెడుతాడు”  అంటూ పవన్ గురించి వివరించారు. గత ఎన్నికల ప్రచారంలో పవన్ కల్యాణ్‌ పై విమర్శలు చేయడం తప్పు అని ఆలస్యంగా తెలుసుకున్నానని రాజ అంగీకరించారు. స్టార్ హీరోలపై రాజా చేసిన వ్యాఖ్యలు టాలీవుడ్ వర్గాల్లో చర్చనీయాంశమయ్యాయి.

Also, do SUBSCRIBE to our YouTube channel to get latest Tollywood updates.