భారీ ధరకు అమ్ముడుపోయిన రాజా ది గ్రేట్!

అనిల్ రావిపూడి దర్శకత్వంలో మాస్ మహారాజ్  రవితేజ చేస్తున్న “రాజ ది గ్రేట్” సినిమా షూటింగ్ వేగంగా సాగుతోంది. ప్రస్తుతం కేరళలోని అందమైన ప్రాంతాల్లో రవితేజ, మెహ్రిన్ లపై ఓ పాటను తెరకెక్కిస్తున్నారు.  శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్న ఈ సినిమా టీజర్ అంచనాలను భారీగా పెంచింది.   అంధుడిగా రవితేజ నటనకు మంచి స్పందన లభించింది. రాశీఖన్నా స్పెషల్ సాంగ్ ఈ మూవీకి మరింత ఆకర్షణను తీసుకొచ్చింది. అందుకే ప్రీ రిలీజ్ బిజినెస్ ఊపందుకుంది. భారీ ధరకు డిజిటల్ రైట్స్ అమ్ముడు పోయినట్లు సమాచారం.

ప్రముఖ తెలుగు టీవీ ఛానెల్ ఒకటి ఈ చిత్ర శాటిలైట్ హక్కుల్ని అధిక మొత్తం చెల్లించి కొనుగోలుచేయగా, అమెజాన్ ప్రైమ్ డిజిటల్ హక్కుల్ని సొంతం చేసుకుంది. అలాగే హిందీ డబ్బింగ్ హక్కులు కూడా మంచి ధర పలికినట్లు సమాచారం. ఈ మూడు రకాల రైట్స్ కలిపి 18 కోట్లు పలికినట్టు తెలిసింది. ఈ జోరు చూస్తుంటే థియేటర్ రైట్స్ కోసం గట్టి పోటీ ఉంటుందని భావిస్తున్నారు. ఈ కమర్షియల్, యాక్షన్ ఎంటర్టైనర్ దీపావళి సందర్భంగా అక్టోబర్ 12న రిలీజ్ కానుంది.