కరోనా సెకండ్ వేవ్ వల్ల మిడిల్ రేంజ్ హీరోల సినిమాలు, పెద్ద హీరోల సినిమాలు ఎప్పుడు విడుదలవుతాయో చెప్పలేని పరిస్థితి నెలకొంది. ఇప్పటికే రిలీజ్ డేట్ ను ప్రకటించిన సినిమాలు సైతం తప్పనిసరి పరిస్థితుల్లో రిలీజ్ డేట్లను వాయిదా వేసుకుంటున్నాయి. ఆర్ఆర్ఆర్ సినిమా వచ్చే ఏడాది సంక్రాంతికి వాయిదా పడిందని ఇప్పటికే ఇండస్ట్రీ వర్గాల్లో వినిపిస్తోంది. అయితే మేకర్స్ మాత్రం అధికారికంగా రిలీజ్ డేట్ కు సంబంధించిన ప్రకటన మాత్రం చేయడం లేదు.
అక్టోబర్ 13వ తేదీన సినిమాను రిలీజ్ చేయాలని ఆర్ఆర్ఆర్ మేకర్స్ భావించినా ప్రస్తుత పరిస్థితుల్లో ఆ తేదీకి సినిమాను రిలీజ్ చేయడం కష్టమేనని సమాచారం. అయితే రాజమౌళి ఇప్పటికే సంక్రాంతికి సినిమాలను ప్రకటించిన హీరోలను, నిర్మాతలను ఒప్పించే ప్రయత్నాలు చేస్తున్నారని తెలుస్తోంది. సర్కారు వారి పాటను పోస్ట్ పోన్ చేయాలని రాజమౌళి మహేష్ ను కొరారని ఇండస్ట్రీ వర్గాల్లో వినిపిస్తోంది. ఇండస్ట్రీ వర్గాల్లో వైరల్ అవుతున్న ఈ రూమర్ లో నిజానిజాలు తెలియాల్సి ఉంది.
రాజమౌళి తర్వాత సినిమా మహేష్ బాబు హీరోగా తెరకెక్కనున్న నేపథ్యంలో రాజమౌళి రిక్వెస్ట్ చేస్తే మహేష్ నో చెప్పే అవకాశం అయితే లేదు. ఆర్ఆర్ఆర్ సంక్రాంతికే రిలీజైతే మాత్రం సర్కారు వారి పాట వాయిదా పడక తప్పదని తెలుస్తోంది. సర్కారు వారి పాట వాయిదా పడితే మహేష్ ఫ్యాన్స్ నిరాశ పడే అవకాశాలు ఉంటాయి. పరశురామ్ డైరెక్షన్ లో మైత్రీ మూవీ మేకర్స్ బ్యానర్ పై సర్కారు వారి పాట సినిమా తెరకెక్కుతోంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home