సినిమా ఇండస్ట్రీలో వరుస విజయాలు సాధిస్తే హీరోయిన్లను గోల్డెన్ అని పిలుస్తారని వరుసగా ఫ్లాపులు వస్తే మాత్రం ఐరన్ లెగ్ అని పిలుస్తారనే సంగతి తెలిసిందే. ఈ కామెంట్లకు ఏ హీరోయిన్ అతీతం కాదు. స్టార్ హీరోయిన్ పూజా హెగ్డేపై కూడా ప్రస్తుతం ఈ తరహా కామెంట్లు జోరుగా వినిపిస్తున్నాయి. ఈ ఏడాది పూజా హెగ్డేకు వరుసగా రెండు షాకులు తగిలాయి. ఆమె నటించిన రాధేశ్యామ్, బీస్ట్ సినిమాలు బాక్సాఫీస్ వద్ద ఫ్లాప్ అయ్యాయి.
భారీ అంచనాలతో రాధేశ్యామ్, బీస్ట్ సినిమాలు విడుదల కాగా ఈ సినిమాలు ఒక సినిమాను మించి మరొకటి ఫ్లాప్ గా నిలిచాయి. పూజా హెగ్డే నీలాంబరి పాత్రలో నటించిన ఆచార్య సినిమా రిలీజ్ కావడానికి మరో 12 రోజుల సమయం మాత్రమే ఉంది. ఈ సినిమా కూడా ఫ్లాపైతే మాత్రం పూజా హెగ్డే ఖాతాలో హ్యాట్రిక్ ఫ్లాపులు చేరతాయి. అయితే పూజా హెగ్డేను జక్కన్న సెంటిమెంట్ మాత్రం తెగ టెన్షన్ పెడుతోందని తెలుస్తోంది.
సాధారణంగా రాజమౌళి సినిమాలో నటించిన హీరో తర్వాత సినిమా ఫ్లాప్ అవుతుందని ఇండస్ట్రీలో టాక్ ఉంది. ఈ సెంటిమెంట్ ప్రకారం ఆర్ఆర్ఆర్ తర్వాత విడుదలవుతున్న ఆచార్య ఫ్లాప్ అవుతుందేమోనని ఫ్యాన్స్ ఒకింత టెన్షన్ పడుతున్నారు. పూజా హెగ్డేకు కూడా రాజమౌళి భయం పట్టుకుందని కామెంట్లు వ్యక్తమవుతున్నాయి. ఆచార్య హిట్ కాకపోతే పూజా హెగ్డేకు కొత్త ఆఫర్లు కూడా రావడం కష్టమేనని చెప్పవచ్చు. గతేడాది వరకు పూజా హెగ్డే నటిస్తే సినిమా హిట్ అని ఇండస్ట్రీలో ప్రచారం జరిగింది.
ఇప్పుడు మాత్రం అందుకు భిన్నంగా ఆమె గురించి ప్రచారం జరుగుతోంది. అయితే పూజా హెగ్డేకు ఫ్యాన్ ఫాలోయింగ్ మాత్రం అస్సలు తగ్గలేదు. సినిమాసినిమాకు పూజా హెగ్డే క్రేజ్ అంతకంతకూ పెరుగుతున్నా వరుస ఫ్లాపులు ఆమెను, ఆమె అభిమానులను టెన్షన్ పెడుతున్నాయి. ఆచార్య సినిమా ఎలాంటి ఫలితాన్ని అందుకుంటుందో మరో రెండు వారాల్లో తేలిపోనుంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home
