దర్శకధీరుడు రాజమౌళి రూపొందించిన ‘ఆర్ఆర్ఆర్’ సినిమా విడుదలకు సిద్ధంగా ఉంది. మార్చి 25న సినిమా ప్రేక్షకుల ముందుకు రానుంది. అయితే ఈ సినిమాకి కామెడీ వెర్షన్ కూడా ఉందట. ఈ విషయాన్ని రాజమౌళి స్వయంగా చెప్పారు. దాన్ని కూడా రిలీజ్ చేస్తారట. ‘ఆర్ఆర్ఆర్’ విడుదలైన తరువాత ఆ కామెడీ వెర్షన్ ను రిలీజ్ చేస్తామని చెప్పారు రాజమౌళి.
Click Here To Watch NEW Trailer
తాను ఏ సినిమా చేసినా.. అసలు నటీనటులు చేయడానికి ముందు ప్రతి సన్నివేశాన్ని అసిస్టెంట్ డైరెక్టర్లతో రిహార్సల్స్ చేయించడం అలవాటు అని.. అలా ప్రతి సన్నివేశాన్ని ముందే ట్రయల్ షూట్ చేస్తామని.. ‘ఆర్ఆర్ఆర్’ విషయంలో కూడా అదే జరిగిందని చెప్పారు. తన అసిస్టెంట్లు ప్రతి సన్నివేశాన్ని నటించి చూపించారని అన్నారు. అదంతా షూట్ చేశామని.. అంతేకాక ఎడిటింగ్ కూడా చేసి పెట్టామని చెప్పారు.
మొత్తం ‘ఆర్ఆర్ఆర్’ సినిమాను అసిస్టెంట్ల వెర్షన్ లో చూడొచ్చని.. అసలు సినిమా విడుదలయ్యాక కొన్ని రోజులకు ఈ వెర్షన్ ను కూడా ప్రేక్షకులంతా చూడొచ్చని చెప్పారు. ఇదొక నవ్వుల విందు అవుతుందని రాజమౌళి చెప్పుకొచ్చారు. నిన్న జరిగిన సినిమా ప్రీరిలీజ్ ఈవెంట్ లో ఈ విషయాలను వెల్లడించారు రాజమౌళి. తన సినిమా వేడుకల్లో అసిస్టెంట్ల గురించి చెప్పే ఛాన్స్ రావడం లేదని.. టైం అయిపోతుందని.. కానీ ఈసారి మాత్రం వారి గురించి చెప్పాల్సిందేనని అన్నారు.
తన పది మంది అసిస్టెంట్ల గురించి వరుసగా చెప్పుకొచ్చారు జక్కన్న. మరోవైపు ఇదే వేదికపై చిరంజీవిపై తనకున్న అభిమానాన్ని బయటపెట్టాడు రాజమౌళి. ఏపీలో కొత్త జీవో కోసం చిరంజీవి చాలా ప్రయత్నించారని.. సీఎం జగన్ తో తన సాన్నిహిత్యాన్ని ఉపయోగించి ఇండస్ట్రీకి మేలు చేశారని చెప్పారు. ఇండస్ట్రీని నెగ్గించడం కోసం తను తగ్గి, అన్ని మాటలు పడ్డారని.. ఎమోషనల్ గా చెప్పుకొచ్చారు.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
