విలన్ రోల్ కోసం రాజశేఖర్ కు అడ్డు పడుతున్న మోహన్ లాల్

దర్శకధీరుడు రాజమౌళి కుమారుడు కార్తికేయ తాజాగా సొంత బ్యానేర్ నిర్మించిన సంగతి తెలిసిందే. ఇక తన బ్యానర్ లో మొదటి ప్రయత్నంగా ‘ఆకాశవాణి’ అనే చిత్రాన్ని తెరకెక్కిస్తున్నట్టు ఫస్ట్ లుక్ ను రిలీజ్ చేస్తూ ఖరారు చేసిన సంగతి తెలిసిందే. విభిన్న కథాంశంతో ఈ చిత్రం రూపొందనుందట. రాజమౌళి తో కలిసి డైరెక్షన్ డిపార్ట్మెంట్లో వర్క్ చేసిన అశ్విన్ గంగరాజు దర్శకత్వంలో తెరకెక్కుతోన్న ఈ చిత్రానికి కీరవాణి తనయుడు ‘కాలభైరవ’ సంగీతాన్ని సమకూరుస్తున్నారు. ఈ చిత్రానికి సంబంధించి ఒక ఆసక్తికరమైన వార్త ఫిలింనగర్లో చక్కర్లు కొడుతుంది.

వివరాల్లోకి వెళితే ఈ సినిమాలో విలన్ రోల్ కు ఒక సీనియర్ క్రేజీ హీరోను సెలెక్ట్ చేయనున్నట్టు తెలుస్తోంది. ఇక ఆ సీనియర్ హీరో పేర్లలో యాంగ్రీ యంగ్ మ్యాన్ రాజశేఖర్ ఉండటం విశేషం. అయితే ముందు నుండీ ఈ రోల్ కోసం మోహన్ లాల్ ను సంప్రదిస్తున్నారట. ఒక వేళ మోహన్ లాల్ ఈ ప్రాజెక్ట్ కు అంగీకరించకపోతే… రాజశేఖర్ ను తీసుకోవడానికి చిత్ర యూనిట్ ప్రత్నిస్తుందట. త్వరలోనే దీని పై స్పష్టత రానుందని సమాచారం.