Bheemla Nayak Movie: పవన్ కు చుక్కలు చూపించే పాత్రలో రాజేంద్ర!

November 30, 2021 / 05:38 PM ISTByFilmy Focus

Join Us

Bheemla Nayak Movie: పవన్ కు చుక్కలు చూపించే పాత్రలో రాజేంద్ర!

టాలీవుడ్ ఇండస్ట్రీలో ఒకప్పుడు నంబర్ 1 కామెడీ హీరోగా గుర్తింపును సొంతం చేసుకున్న రాజేంద్ర ప్రసాద్ ప్రస్తుతం తనదైన కామెడీ టైమింగ్ తో క్యారెక్టర్ ఆర్టిస్ట్ గా కెరీర్ ను కొనసాగిస్తున్నారు. సీరియస్ రోల్స్ కు దూరంగా ఉన్న రాజేంద్ర ప్రసాద్ భీమ్లా నాయక్ సినిమాలో మాత్రం సీరియస్ రోల్ లో కనిపించనున్నారని తెలుస్తోంది. ఈ సినిమాలో రాజేంద్ర ప్రసాద్ పెక్యులర్ పొలిటీషియన్ గా నటిస్తున్నారు. మలయాళంలో బ్లాక్ బస్టర్ హిట్ గా నిలిచిన అయ్యప్పనుమ్ కోషియమ్ సినిమాకు రీమేక్ గా భీమ్లా నాయక్ సినిమా తెరకెక్కుతోంది.

సాగర్ కె చంద్ర దర్శకత్వం వహిస్తున్న ఈ సినిమాకు త్రివిక్రమ్ శ్రీనివాస్ కథనం, మాటలు అందిస్తుండగా ఈ సినిమాపై భారీ స్థాయిలో అంచనాలు ఏర్పడ్డాయి. డేనియల్ శేఖర్ ను సపోర్ట్ చేసే పాత్రలో రాజేంద్ర ప్రసాద్ నటిస్తుండగా ఈ పాత్ర భీమ్లా నాయక్ పాత్ర పోషిస్తున్న పవన్ కు చుక్కలు చూపించేలా ఉంటుందని సమాచారం. త్రివిక్రమ్ డైరెక్షన్ లో తెరకెక్కిన చాలా సినిమాలలో కామెడీ రోల్స్ చేసిన రాజేంద్ర ప్రసాద్ భీమ్లా నాయక్ సినిమాలోని పాత్ర ద్వారా నట విశ్వరూపం చూపించబోతున్నారని సమాచారం.

2022 సంవత్సరం జనవరి నెల 12వ తేదీన భీమ్లా నాయక్ మూవీ రిలీజ్ కానుంది. పవన్, రానా ఫ్యాన్స్ భీమ్లా నాయక్ రిలీజ్ కోసం ఆసక్తిగా ఎదురుచూస్తున్నారు. ఈ సినిమా అంచనాలను మించి సక్సెస్ సాధిస్తుందో లేదో చూడాల్సి ఉంది. దాదాపుగా 110 కోట్ల రూపాయల బడ్జెట్ తో ఈ సినిమా తెరకెక్కింది.