Annaatthe Teaser: దర్శకుడు శివ మాస్ కి .. రజినీ స్టైల్ తోడైతే రచ్చ రచ్చే..!

సౌత్ ఇండియన్ సూపర్ స్టార్ రజినీకాంత్ హీరోగా శివ దర్శకత్వంలో తెరకెక్కుతున్న మాస్ ఎంటర్టైనర్ ‘అన్నాత్తే’. అజిత్‌ తో విశ్వాసం,వీరం, వేదాళం, వివేగం వంటి హిట్ సినిమాలను తెరకెక్కించాడు శివ. దాంతో రజినీకాంత్‌ కు కూడా అదిరిపోయే మాస్ హిట్ ఇస్తాడని అంతా భావిస్తున్నారు.వారి అంచనాలను ఈ సినిమా ఏ మాత్రం తగ్గదని దసరా కానుకగా విడుదల చేసిన టీజర్ ద్వారా స్పష్టం చేశారు.ఈ టీజర్ మొత్తం మాస్ అండ్ హై ఓల్టేజ్ యాక్షన్ ఎలిమెంట్స్ తో నింపేశారు.

తమిళ టీజర్ నే విడుదల చేసినప్పటికీ అది తెలుగు ప్రేక్షకులను కూడా అలరిస్తుంది. ‘అన్నాత్తే’ టీజర్ ను కనుక గమనిస్తే.. రజినీ తప్ప ఇందులో మరే పాత్ర కనిపించలేదు. యాక్షన్ సీక్వెన్స్‌లకు రజినీ స్టైల్ ను జోడిస్తే ఏ రేంజ్లో ఎలివేషన్స్ ఉంటాయో ఆ రేంజ్లో ఉన్నాయి ఇందులో ఎలివేషన్స్. అక్కడక్కడ వింటేజ్ రజినీని చూసిన ఫీలింగ్ కలుగుతుంది. సంగీత దర్శకుడు ఇమ్మాన్ అందించిన బ్యాక్ గ్రౌండ్ స్కోర్ కూడా మాస్‌కు పూనకాలు తెప్పించే విధంగా ఉంది.

టీజర్ ఎండింగ్లో రజినీ ఒక్కో అడుగు వేస్తుండగా.. పక్కనే ఉన్న భారీ వాహనాలు బి.గోపాల్ గారి సినిమాల స్టైల్లో ఎగరడం హైలెట్ అని చెప్పొచ్చు. తెలుగులో ఈ చిత్రాన్ని ‘పెద్దన్న’ లేదా ‘అన్నయ్య’ టైటిల్ తో రిలీజ్ చేసే అవకాశాలు కనిపిస్తున్నాయి. టీజర్ ఆకట్టుకునే విధంగానే ఉంది. మీరు కూడా ఓ లుక్కేయండి :

కొండ పొలం సినిమా రివ్యూ & రేటింగ్!

Most Recommended Video

సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు