సౌత్ ఇండియా నుంచి నార్త్ ఇండియా వరకూ మాత్రమే కాదు…వివిధ దేశాల్లో కూడా అభిమానులను సొంతం చేసుకోగలిగిన ఏకైక నటుడు తమిళ తలైవార్ రజనీకాంత్. ఆయాం పేరు చెబితే చాలు అభిమానుల్లో ఆనందం ఉప్పొంగిపోతుంది. మరి అలాంటి రజనీకాంత్ ముఖ్యమంత్రి అయితే ఎలా ఉంటుంది….భలే ఉంటుంది కదా…అవును నిజమే…రజనీకాంత్ ముఖ్యమంత్రి అవ్వనున్నారు. అయితే ఆది డైరెక్ట్ గా మాత్రం కాదు సుమా…అసలే తమిళ నాట పొలిటికల్ హీట్ మొదలైన వేళ ఈ ఎకసెక్కాలు ఏంటి అంటారా? చెబుతా…అసలు మ్యాటర్ లోకి వెళితే…రియల్ గా రజనీకాంత్ ముఖ్యమంతి అవుతారా లేదా అన్న ఆలోచన పక్కన పెడితే…సిల్వ‌ర్ స్క్రిన్‌పై మాత్రం సూపర్‌స్టార్‌ని సీఎంగా చూపించేందుకు దర్శకుడు శంకర్‌ ప్రయత్నాలు చేస్తున్నట్లు వార్తలు విన్పిస్తున్నాయి.
తన సూపర్‌హిట్‌ చిత్రాల్లో ఒకటైన ‘ముదల్వన్‌’ (ముఖ్యమంత్రి అని అర్థం)కి సీక్వెల్‌ తీసే యోచనలో శంకర్‌ ఉన్నారట. అందులో రజనీకాంత్‌ని నటింపజేసేందుకు ఆయన ప్రయత్నిస్తున్నట్లు సమాచారం. నిజానికి ‘ముదల్వన్‌’ చిత్రంలో రజనీయే నటించాల్సి ఉంది.అప్పటి పరిస్థితుల్లో పొలిటికల్ బ్యాక్‌గ్రౌండ్ మూవీ చేయడంపై ఆయన విముఖత చూపడంతో అది యాక్షన్‌ కింగ్‌ అర్జున్‌ ఖాతాలో చేరింది. ప్రస్తుతం ‘ముదల్వన్‌’ సీక్వెల్‌కి స్రిప్టు పనులు జరుగుతున్నా యని, అది కూడా ‘బాహుబలి’ రైట‌ర్ విజయేంద్ర ప్రసాదే స్టోరీ సిద్ధం చేస్తున్నారని కోలీవుడ్‌ టాక్‌. మరి తొలి భాగంలో నటించేందుకు నిరాకరించిన రజనీకాంత్… ఇప్పుడున్న పరిస్థితుల్లో ఎలాంటి నిర్ణయం తీసుకుంటాడో చూడాలి. మొత్తంగా అయితే పొలిటికల్ హీట్ మంచి ఊపుమీద ఉన్న తరుణంలో పొలిటికల్ సినిమాతో రజని ఎలాంటి ట్విస్ట్ ఇస్తాడో చూడాలి.
Also, do SUBSCRIBE to our YouTube channel to get latest Tollywood updates.
