Rajinikanth: ఒక్క రాత్రిలో జరిగే కథే ‘జైలర్’!

సూపర్ స్టార్ రజినీకాంత్ హీరోగా దర్శకుడు నెల్సన్ దిలీప్ కుమార్ తెరకెక్కిస్తోన్న సినిమా ‘జైలర్’. ఇప్పటికే ఈ సినిమాకి సంబంధించిన షూటింగ్ సగానికి పైగానే పూర్తయింది. కొన్ని రోజుల క్రితం రజినీకాంత్ పుట్టినరోజు సందర్భంగా ఈ సినిమాకి సంబంధించిన చిన్న టీజర్ వదిలారు. కానీ దానికి ఆశించిన స్థాయిలో రెస్పాన్స్ రాలేదు. అయినప్పటికీ.. సినిమాపై అంచనాలు మాత్రం ఏమాత్రం తగ్గలేదు. రజినీకాంత్ నటించిన ‘పెద్దన్న’ సినిమా డిజాస్టర్ అవ్వడంతో బయట రాష్ట్రాల్లో ఆయన మార్కెట్ బాగా డౌన్ అయింది.

‘జైలర్’ సినిమాతో రజినీకి పూర్వ వైభవం వస్తుందని నమ్ముతున్నారు. ఇదిలా ఉండగా.. ఇప్పుడు ‘జైలర్’ సినిమాకి సంబంధించిన ఓ విషయం సోషల్ మీడియాలో చక్కర్లు కొడుతోంది. అదేంటంటే.. ఈ సినిమా స్టోరీ మొత్తం ఒక్క రాత్రిలో జరుగుతుందట. సినిమాలో పగటికి సంబంధించిన షాట్స్ చాలా తక్కువగా ఉన్నాయట. అవి కూడా కొన్ని నిమిషాలకే పరిమితమవుతాయని సమాచారం. రెగ్యులర్ కమర్షియల్ ఫార్మాట్ కి భిన్నంగా థ్రిల్లర్ తరహాలో ఈ సినిమా సాగనుంది.

రజినీకాంత్ ఇప్పటివరకు ఇలాంటి సబ్జెక్ట్స్ పెద్దగా టచ్ చేయలేదు. కాబట్టి ఆయన్ని ఇలాంటి సినిమాల్లో చూడడం కొత్తగా అనిపిస్తుంది. రజినీకాంత్ మ్యానరిజమ్స్ ను హైలైట్ చేస్తూ సినిమా తీస్తున్నారట నెల్సన్ దిలీప్ కుమార్. ఈ సినిమాలో కన్నడ నటుడు శివరాజ్ కుమార్ కీలకపాత్రలో కనిపించనున్నారు. అలానే మలయాళ నటుడు మోహన్ లాల్ చిన్న క్యామియో రోల్ లో కనిపించనున్నారని సమాచారం.

దీనికి సంబంధించి ఎలాంటి అధికార ప్రకటన లేదు. సినిమాలో ఒక కీలకమైన ట్విస్ట్ కి సంబంధించి ఆయన ఎంట్రీ ఉంటుందట. ఇక ఈ సినిమాను ఏప్రిల్ 14న రిలీజ్ చేయాలనుకుంటున్నారు కానీ చెప్పిన టైంకి సినిమా రావడం కష్టమని అంటున్నారు.

బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!

ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?