బాలీవుడ్ నటి రాఖీ సావంత్ సినిమాల్లో ఎక్కువగా ఐటెం సాంగ్స్, వ్యాంప్ క్యారెక్టర్లు చేసేది. వాటితోనే పాపులారిటీ తెచ్చుకుంది. ఆ తరువాత రాఖీ కా స్వయంవర్ అనే పేరుతో టీవీ షో చేసింది. అప్పట్లో ఈ షో ఒక సంచలనం. ఈ షో ద్వారా తనకు కావాల్సిన వరుడిని ఎన్నుకుంటానని ఆమె చేసిన హంగామా గురించి ఎంత చెప్పినా తక్కువే. చివరికి ఈ షోలో గెలిచిన వ్యక్తిని ఆమె పెళ్లి చేసుకోలేదు. ఆ తరువాత ఒక ఎన్నారైని పెళ్లి చేసుకుంది.
అతడితో గొడవల కారణంగా విడిపోయింది. కొన్నాళ్ల క్రితం ఆదిల్ దురానీ అనే వ్యక్తిని పెళ్లి చేసుకుంది. వీరి వైవాహిక జీవితం ఎక్కువ కాలం సాగలేదు. తన భర్త మీద కేసులు పెట్టడం, మీడియాలో ఒకరి మీద ఒకరు దుమ్మెత్తిపోసుకోవడం చర్చనీయాంశంగా మారింది. తనతో ఆదిల్ అసభ్యంగా శృంగారం చేశాడని.. కట్నం గురించి వేధించాడని రాఖీ కేసు పెట్టింది. దీంతో పోలీసులు అతడిని అరెస్ట్ చేశారు. తాజాగా రాఖీ.. ఆదిల్ మీద మరిన్ని తీవ్ర ఆరోపణలు చేసింది.
ఆదిల్ తన న్యూడ్ వీడియోలను తీసి విక్రయించినట్లు ఆమె ఆరోపణలు చేస్తోంది. ఆదిల్ తన న్యూడ్ వీడియోలను తీసి కొందరికి అమ్మేసాడని.. దీనిపై పోలీసులకు ఫిర్యాదు చేశానని.. ఆ కేసు ప్రస్తుతం సైబర్ క్రైమ్ విభాగంలో విచారణలో ఉందని చెప్పుకొచ్చింది. ఆదిల్ తనను చాలా రకాలుగా మోసం చేశాడని వివరించింది. చందేల్ అనే యువతితో ఆదిల్ కి వివాహేతర సంబంధం ఉందని.. త్వరలోనే ఆమెని పెళ్లి చేసుకోవాలనుకుంటున్నాడని తెలిపింది.
ఆదిల్ తనను చిత్రహింసలు పెట్టాడని.. దానికి రుజువుగా మెడికల్ బిల్స్ ఉన్నాయని.. అలానే తన దగ్గర ఓటీపీ తెలుసుకొని డబ్బు మొత్తం దొంగిలించాడని చెప్పుకొచ్చింది. తన నుంచి కోటిన్నర రూపాయలు తీసుకున్నట్లు ఆదిల్ ఒప్పుకున్న వీడియోను కూడా రాఖీ బయటపెట్టింది. అయితే రాఖీ చేస్తోన్న ఆరోపణల్లో నిజం లేదని అంటున్నారు ఆదిల్.
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
Home