రకుల్ రేర్ & మెగా రికార్డ్!

మెగా ఫ్యామిలీలో నలుగురు హీరోల సరసన నటించిన కథానాయికగా రకుల్ ప్రీత్ సింగ్ అరుదైన రికార్డ్ సొంతం చేసుకోనుంది. మెగా ఫ్యామిలీలో చిరంజీవి, పవన్ కల్యాణ్… వాళ్ళ తరవాత రెండో తరంలో అల్లు అర్జున్, రామ్ చరణ్, వరుణ్ తేజ్, సాయి ధరమ్ తేజ్ స్టార్ హీరోలుగా కొనసాగుతున్నారు. అల్లు శిరీష్ మరో హీరో. కొత్తగా చిరంజీవి చిన్న అల్లుడు కళ్యాణ్ దేవ్, సాయి ధరమ్ తేజ్ తమ్ముడు వైష్ణవ్ తేజ్ హీరోలుగా వస్తున్నారు. మొత్తం మీద మెగా ఫ్యామిలీలో పదిమంది వరకు హీరోలుగా ఉన్నారు. వీళ్ళలో నలుగురి సరసన కథానాయికలుగా నటించిన వాళ్ళు ఎవరూ లేరా? అంటే ఉన్నారు.

చిరంజీవి, పవన్ కళ్యాణ్, అల్లు అర్జున్, రామ్ చరణ్… వీళ్ళ నలుగురితోనూ కాజల్ అగర్వాల్, తమన్నా సినిమాలు చేశారు. చిరంజీవితో సినిమాలు చేయలేదు గానీ ఆ లిస్టులో మిగతా ముగ్గురితో సమంత, శృతి హాసన్ సినిమాలు చేశారు. మరి, రకుల్ రికార్డ్ స్పెషాలిటీ ఏంటి? అంటే… చిరంజీవి, పవన్ కల్యాణ్ సరసన ఆమె సినిమాలు చేయలేదు. మెగా ఫ్యామిలీలో సెకండ్ జనరేషన్ యుంగ్ హీరోలతో నాలుగు సినిమాల్లో నటించే అవకాశం దక్కించుకుంది.

అల్లు అర్జున్ సరసన ‘సరైనోడు’, రామ్ చరణ్ సరసన ‘ధృవ’, ‘బ్రూస్ లీ’ సినిమాల్లో రకుల్ నటించింది. సాయి ధరమ్ తేజ్ సరసన ‘విన్నర్’ చేసింది. ఇప్పుడు సాయి ధరమ్ తేజ్ తమ్ముడు పంజా వైష్ణవ్ తేజ్ సరసన క్రిష్ దర్శకత్వంలో ఓ సినిమా చేస్తోంది. మెగా ఫ్యామిలీలో యంగ్ హీరోలతో నాలుగు సినిమాలు చేసిన రికార్డ్ ఆమె ఖాతాలో చేరుతోంది. అదీ సంగతి!

Most Recommended Video

34 ఏళ్ళ సినీ కెరీర్ లో ‘కింగ్’ నాగార్జున రిజెక్ట్ చేసిన సినిమాల లిస్ట్..!
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
సౌత్ లో అత్యధిక పారితోకం అందుకునే సంగీత దర్శకులు వీరే!