Rakul Preet: ఓటీటీలోకి ఎంటర్‌ అవుతున్న విశ్వక్‌సేన్‌!

దీపముండగానే ఇల్లు చక్కబెట్టుకోవాలని పెద్దలు చాలా సార్లు చెప్పారు. ఆ విషయాన్ని హీరోయిన్లు బాగా ఆచరిస్తున్నారు అనే విషయమూ మనం చాలాసార్లు చెప్పుకున్నాం. అయితే ప్రతిసారి ఓ హీరోయిన్‌ ఈ ఫార్ములాను అనుసరించినప్పుడు మరోసారి చెప్పుకోవడంలో తప్పు లేదు కదా. అందుకే ఇప్పుడు మళ్లీ చెబుతున్నాం. ఈసారి ఆ నాయిక ఎవరు అంటే రకుల్‌ ప్రీత్‌ సింగ్‌. మామూలుగానే రకుల్‌కు ఈ ఫార్ములా బాగా తెలుసు. ఇప్పుడు మరోసారి యూజ్‌ చేస్తోంది.

తెలుగులో స్టార్‌ హీరోయినల్లో ఇప్పటికే తమన్నా, కాజల్‌, శ్రుతి హాసన్‌, సమంత లాంటి వాళ్లు డిజిటల్‌ రంగంలోకి వచ్చేశారు. ఇంకా రకుల్ రాలేదేంటబ్బా అని అనుకుంటుండగా… మేడమ్‌ కూడా వేంచేస్తున్నారు. విశ్వక్‌సేన్‌ ప్ర‌ధాన పాత్ర‌లో ఓటీటీ కోసం త‌మిళ ద‌ర్శ‌కుడు ఎ.ఎల్.విజ‌య్ ‘అక్టోబ‌ర్ 31.. లేడీస్ నైట్’ పేరుతో ఓ ఆంథాల‌జీ తెరకెక్కిస్తున్నారట. హాలోవీన్ నైట్ నేపథ్యంలో సాగే ఈ ఆంథాలజీలో కీలక పాత్ర కోసం ర‌కుల్‌ ఓకే చెప్పిందట.

అంతేకాదు ఈ ఆంథాలజీలో నివేదా పేతురాజ్, మాంజిమ మోహ‌న్, మేఘా ఆకాష్‌, విద్యుల్లేఖ‌ రామన్‌ లాంటి తెలిసిన నటులు చాలా మందే నటిస్తున్నారట. మ‌హిళ‌ల ప్రధానంగా సాగే కథ అని టైటిల్‌ బట్టే తెలుస్తుంది. ఇందులో విశ్వక్‌సేన్‌ పోలీసు అధికారిగా కనిపిస్తారని సమాచారం. తెలుగులో తెర‌కెక్కిస్తున్న ఈ సినిమాను త‌మిళంలోనూ రిలీజ్ చేయాలని చూస్తున్నారట. మరి ఈ సినిమాలో రకుల్‌ పాత్ర ఏంటనేది తెలియాల్సి ఉంది.

Most Recommended Video

తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!