మల్టీస్టారర్ మూవీ అనగానే దాని బడ్జెట్ తో పాటు రేంజ్ కూడా పెరిగిపోతుంది. నిర్మించడానికి నిర్మాతలు, నటించడానికి స్టార్ హీరోలు సిద్ధంగా ఉన్నారని, కథలే సెట్ కావడం లేదని టాలీవుడ్ వర్గాల అభిప్రాయం. అయితే మెగా హీరోలైన అల్లు అర్జున్, రామ్ చరణ్ తేజ్ కి అద్భుతమైన స్టోరీ తయారైందని సమాచారం. వీరిద్దరూ వంశీ పైడిపల్లీ దర్శకత్వంలో వచ్చిన ఎవడులో నటించారు. అయితే అందులో అల్లు అర్జున్ కొంతసేపు మాత్రమే కనిపిస్తాడు. ఈసారి చెర్రీ, బన్నీ పోటీ పడే క్యారెక్టర్స్ తో ప్రముఖ డైరక్టర్ స్టోరీ రాసారని, అతను హీరోగాలకు కథ చెప్పి ఒప్పించడం కూడా జరిగిపోయిందని టాక్.
గీతా ఆర్ట్స్ బ్యానర్ లో రూపొందనున్న ఈ చిత్రానికి ‘ చరణ్- అర్జున్ ‘ అనే టైటిల్ ని అల్లు అరవింద్ రిజిస్టర్ చేయించారని ఫిలిం నగర్ వాసులు చెబుతున్నారు. తమ చేతుల్లో ఉన్న ప్రాజక్టులు పూర్తి అయిన వెంటనే మల్టీస్టారర్ మూవీ పనుల్లోకి అర్జున్, చరణ్ దిగనున్నారు. ఈ సినిమా సెట్స్ పైకి వెళితే మెగా ఫ్యాన్స్ లో ఉన్న గొడవలు సద్దుమణిగే అవకాశం ఉంది.
Also, do SUBSCRIBE to our YouTube channel to get latest Tollywood updates.
