మరోసారి పోటీకి దిగుతున్న మహేష్, రామ్ చరణ్ సినిమాలు

సూపర్ స్టార్ మహేష్‌బాబు, మెగా పవర్ స్టార్ రామ్ చరణ్‌ తేజ్ చిత్రాల మధ్య రెండుసార్లు వార్ జరిగింది. 2013 సంక్రాంతికి నాయక్, సీతమ్మ వాకిట్లో సిరిమల్లె చెట్టు రిలీజ్ అయ్యాయి. ఈ పోటీలో రెండూ విజయం సాధించాయి. సీతమ్మ వాకిట్లో సిరిమల్లె చెట్టు మల్టీ స్టారర్ మూవీ కావడంతో కలక్షన్ లో నాయక్ ని మించింది. ఆ తర్వాతి సంవత్సరం 2014 లో వీరిద్దరూ తలపడ్డారు. ‘1 నేనొక్కడినే’, ‘ఎవడు’ మధ్య జరిగిన పోటీలో మహేష్‌ సినిమా ప్రశంసలతో సరిపెట్టుకుంటే, చరణ్‌ చిత్రం కమర్షియల్‌ సక్సెస్‌ సాధించింది. మరోసారి  మహేష్, రామ్ చరణ్ సినిమాలు పోటీకి దిగుతున్నాయి.

సుకుమార్‌ దర్శకత్వంలో రామ్ చరణ్‌ నటిస్తున్న ‘రంగస్థలం 1985’ పెద్ద పండుగకు వస్తున్నట్లు నిన్ననే ప్రకటించారు. అలాగే స్పైడర్ మూవీ తర్వాత మహేష్‌ చేస్తున్న ‘భరత్‌ అనే నేను’ సంక్రాంత్ కి రాబోతున్నట్లు ఎప్పుడో ఖరారు చేశారు. కొరటాల శివ దర్శకత్వంలో తెరకెక్కుతోన్న భరత్‌ అనే నేను షూటింగ్‌ ఈమధ్యే మొదలు కాగా, రంగస్థలం 1985 రెండో షెడ్యూల్ రాజమండ్రి పరిసరాల్లో జరుగుతోంది. మరి మూడో సారి పోటీలో విజయం ఎవరిదో ప్రేక్షకులే చెప్పాలి.

Also, do SUBSCRIBE to our YouTube channel to get latest Tollywood updates.