రెండు రోజుల క్రితం చిరంజీవి, వరుణ్ తేజ్ లూసిఫర్ రీమేక్ లో నటించనున్నారని ఒక వార్త తెగ వైరల్ అయిన సంగతి తెలిసిందే. అయితే తాజాగా మరో మల్టీస్టారర్ తెరపైకి వచ్చింది. స్టార్ హీరో రామ్ చరణ్, మెగా హీరో సాయిధరమ్ తేజ్ హీరోలుగా మల్టీస్టారర్ సినిమా తెరకెక్కనుందని ఒక వార్త తెగ వైరల్ అవుతోంది. ప్రశాంత్ నీల్ డైరెక్షన్ లో ఈ సినిమా తెరకెక్కనుందని ప్రచారం జరుగుతుండటం గమనార్హం.
స్టార్ డైరెక్టర్ ప్రశాంత్ నీల్ ప్రభాస్ తో ఒక సినిమాను ప్రస్తుతం తెరకెక్కిస్తుండగా ఎన్టీఆర్ తో ఒక సినిమాను తెరకెక్కించనున్నట్టు వెల్లడించిన సంగతి తెలిసిందే. ఈ రెండు సినిమాలు పూర్తైన తరువాత చరణ్, సాయితేజ్ లతో ప్రశాంత్ నీల్ మల్టీస్టారర్ సినిమాను తెరకెక్కించే అవకాశాలు ఉన్నాయని తెలుస్తోంది. అయితే ఈ ప్రాజెక్ట్ కు సంబంధించిన అధికారక ప్రకటన వెలువడాల్సి ఉంది. డీవీవీ ఎంటర్‌టైన్‌మెంట్స్ బ్యానర్‌పై ఈ సినిమా తెరకెక్కే అవకాశాలు ఉన్నాయని ఇండస్ట్రీ వర్గాల్లో వినిపిస్తోంది.
ఇప్పటికే ప్రశాంత్ నీల్ చరణ్, సాయితేజ్ లకు కథ వినిపించారని ప్రచారం జరుగుతుండగా ఈ ప్రచారంలో నిజానిజాలు తెలియాల్సి ఉంది. ఆర్ఆర్ఆర్ మూవీ రేంజ్ లో ఈ సినిమాను నిర్మించాలని డీవీవీ దానయ్య భావిస్తున్నారని ఇండస్ట్రీ వర్గాల్లో వినిపిస్తోంది. చరణ్ సాయితేజ్ కాంబో గురించి వార్తలు వస్తుండటంతో మెగా ఫ్యాన్స్ సంతోషిస్తున్నారు. రాజమౌళి, శంకర్ సినిమాలు పూర్తైన తరువాత ప్రశాంత్ నీల్ డైరెక్షన్ లో చరణ్ నటించే వకాశాలు ఉన్నాయి.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
