బాహుబలి గురించి రామ్ చరణ్ ఏమన్నారంటే ?

వెండితెరపై రాజమౌళి చెక్కిన శిల్పం బాహుబలి 2 పై అభినందనల వర్షం కురుస్తోంది. టాలీవుడ్, కోలీవుడ్, బాలీవుడ్ అని సంబంధం లేకుండా ప్రతిఒక్కరూ ప్రశంసలతో ముంచెత్తుతున్నారు. నిన్న రాత్రి మెగాస్టార్ చిరంజీవి తన కుటుంబ సభ్యులతో కలిసి బాహుబలి కంక్లూజన్ ని చూసారు. సినిమా చూసిన అనంతరం మెగా పవర్ స్టార్ రామ్ చరణ్ తేజ్ తన అభిప్రాయాన్ని సోషల్ మీడియా వేదికపై పంచుకున్నారు. “భారతీయ అతిపెద్ద బ్లాక్ బస్టర్ మూవీ బాహుబలి కంక్లూజన్. రాజమౌళి గారి ఊహాత్మక శక్తికి, దానిని వెండితెరపై చూపించే విధానానికి హ్యాట్సాఫ్. బాహుబలి తెలుగు సినిమా భాష, ప్రాంత పరిధులను చెరిపివేసింది. ఈ మూవీ ఫిలిం మేకర్స్ అందరికీ స్ఫూర్తినిచ్చింది”  అని వెల్లడించారు.

ఇక నటీనటుల గురించి మాట్లాడుతూ “మా డార్లింగ్ ప్రభాస్ పవర్ ఫుల్ లుక్, నటనతో అదరగొట్టాడు. నా స్నేహితుడు రానా యువకుడిగా, ముసలివాడిగా ఉత్తమ నటన ప్రదర్శించాడు. అనుష్క, తమన్నా, రమ్యకృష్ణ గారు, సత్యరాజ్ గారు తమ నటనతో అందరినీ కట్టిపడేసారు” అని చెర్రీ అభినందించారు.

Also, do SUBSCRIBE to our YouTube channel to get latest Tollywood updates.