రామ్ చరణ్ డ్రీమ్ ప్రాజెక్ట్ ఫిక్స్

ప్రముఖ దర్శకుడు మణిరత్నం దర్శకత్వంలో నటించాలని ప్రతి ఒక్కరూ కోరుకుంటారు. మెగా పవర్ స్టార్ రామ్ చరణ్ తేజ్ కూడా ఆయనతో ఒక సినిమా అయినా చేయాలనీ కలలు కనేవారు. మూడేళ్ళ క్రితం వీరి కాంబినేషన్లో సినిమా మొదలయ్యేది. కానీ చివరి నిముషంలో క్యాన్సిల్ అయింది. ఈ సారి రామ్ చరణ్ డ్రీమ్ ప్రాజక్ట్ ఒకే అయింది. మణిరత్నం స్పై థ్రిల్లర్ స్టోరీని చరణ్ కి వినిపించడం, అందుకు ఒకే చెప్పడం జరిగిపోయిందని టాలీవుడ్ వర్గాల టాక్. ఇందులో చెర్రీ రా ఏజెంట్ గా నటించనున్నారు. ఈ మూవీకి ప్రీ ప్రొడక్షన్ వర్క్ జరుగుతోందని, జూన్ నుంచి సెట్స్ పైకి వెళుతుందని సమాచారం.

ఈ మూవీ ని మణిరత్నం ఏకకాలంలో తెలుగు, తమిళ భాషల్లో రూపొందించడానికి రెడీ అవుతున్నారు. ప్రస్తుతం సుకుమార్ దర్శకత్వంలో ఓ విలేజ్ లవ్ స్టోరీ కథతో రామ్ చరణ్ సినిమా చేస్తున్నారు. సమంత హీరోయిన్ గా నటిస్తున్న ఈ మూవీ ఈ నెల 20 నుంచి రెగ్యులర్ షూటింగ్ జరుపుకోనుంది. ఈ సినిమాని వేగంగా పూర్తి చేసి మణిరత్నం దర్శకత్వంలో నటించాలని చెర్రీ డిసైడ్ అయ్యారు.