మరో అప్ కమింగ్ డైరెక్టర్ ను లైన్ లో పెట్టిన చరణ్..!

రాంచరణ్ ప్రస్తుతం దర్శకధీరుడు రాజమౌళి డైరెక్షన్లో ‘ఆర్.ఆర్.ఆర్’ చిత్రం చేస్తున్నాడు. ఎన్టీఆర్ మరో హీరోగా నటిస్తున్న ఈ చిత్రంలో బాలీవుడ్ స్టార్ అజయ్ దేవగన్ కూడా ఓ కీలక పాత్ర పోషిస్తున్నాడు. ఇక 2021 జనవరి 8న ఈ చిత్రం విడుదల కాబోతున్నట్టు ఈ మధ్యే అధికారికంగా ప్రకటించారు. ఇదిలా ఉండగా.. ఓ పక్క ఎన్టీఆర్ …’ఆర్.ఆర్.ఆర్’ తరువాత త్రివిక్రమ్ డైరెక్షన్ లో చేయబోతున్నట్టు అనౌన్స్ చేసేసాడు. కానీ చరణ్ మాత్రం ఇంకా తన తరువాతి చిత్రాన్ని ఎవరితో చేస్తున్నది ప్రకటించలేదు.

కాని అందుతున్న సమాచారం ప్రకారం… అప్ కమింగ్ డైరెక్టర్స్ తోనే సినిమా చెయ్యాలని చరణ్ డిసైడ్ అయ్యాడట. ఇప్పటికే విక్రమ్ కుమార్ , గౌతమ్ తిన్ననూరి వినిపించిన లైన్లు నచ్చడంతో ఫుల్ స్క్రిప్ట్ తో రమ్మని చెప్పాడట. ఇప్పుడు ‘భీష్మ’ డైరెక్టర్ కి కూడా ఓకే చెప్పినట్టు తెలుస్తుంది. ఇటీవల చరణ్ ను కలిసి వెంకీ కుడుముల ఓ లైన్ చెప్పాడట. వెంకీ నెరేట్ చేసిన తీరు చరణ్ కు బాగా నచ్చిందట. అన్ని కమర్షియల్ ఎలిమెంట్స్ కూడి ఆ లైన్ ఉండడంతో చరణ్ బాగా ఇంప్రెస్ అయ్యాడట. వెంటనే ఫుల్ స్క్రిప్ట్ తో రమ్మని చాలా ధీమాగా చెప్పాడట. 2021 లో కచ్చితంగా రెండు సినిమాలు విడుదల చెయ్యాలని చరణ్ భావిస్తున్నాడట. అందులో కచ్చితంగా వెంకీ కుడుముల సినిమా ఉండే ఛాన్స్ కూడా ఉందని టాక్ నడుస్తుంది. ‘ఛలో’ ‘భీష్మ’ వంటి రెండు బ్లాక్ బస్టర్స్ కొట్టి ఫామ్లో ఉన్నాడు కాబట్టి ఇతనికే ఎక్కువ ఛాన్స్ లు ఉన్నాయని తెలుస్తుంది. ఏమైనా మంచి టేస్ట్ ఉన్న హీరో అని అతని లైనప్ చూస్తే స్పష్టంమవుతుంది.

Most Recommended Video

‘హిట్ ’ సినిమా రివ్యూ & రేటింగ్!
‘భీష్మ’ సినిమా రివ్యూ & రేటింగ్!
‘టాలీవుడ్ స్టార్ హీరోల రెమ్యూనరేషన్లు!