Ram Charan: ఆస్కార్ గెలిస్తే దేశం గర్వించే క్షణం అవుతుంది: రామ్ చరణ్

రాజమౌళి దర్శకత్వంలో గత ఏడాది ప్రేక్షకుల ముందుకు వచ్చిన పాన్ ఇండియా చిత్రం RRR. ఈ సినిమా కేవలం పాన్ ఇండియా స్థాయిలోనే కాకుండా అంతర్జాతీయ స్థాయిలో ఎంతో మంచి ఆదరణ సంపాదించుకుంది. ఇక ఇప్పటికే ఈ సినిమాకు ఎన్నో అవార్డులు రావడం విశేషం.ఇక ఈ సినిమాలోని నాటు నాటు పాట గోల్డెన్ గ్లోబ్ అవార్డు అందుకొని ఆస్కార్ నామినేషన్ లో నిలిచిన సంగతి తెలిసిందే. ఇలా గోల్డెన్ గ్లోబ్ అవార్డు అందుకున్న ఎన్నో సినిమాలు ఆస్కార్ అవార్డును కూడా అందుకున్నాయి.

ఈ క్రమంలోనే నాటు నాటు పాట ఆస్కార్ నామినేషన్ లో ఉండడంతో తప్పనిసరిగా ఈ పాటకు ఆస్కార్ అవార్డు వస్తుందని ప్రతి ఒక్కరు ఎన్నో ఆశలు పెట్టుకున్నారు. ఇక ఈ ఆస్కార్ అవార్డులను మార్చి 12వ తేదీ ప్రకటించనున్నారు. ఈ క్రమంలోనే ఈ సినిమా ప్రమోషన్ లో భాగంగా రామ్ చరణ్ ఇప్పటికే అమెరికాలో సందడి చేస్తున్నారు.ఇదివరకే ఎన్నో ఇంటర్వ్యూలలో హాజరైనటువంటి రామ్ చరణ్ తాజాగా ABC (అమెరికన్ బ్రాండ్ కాస్టింగ్ కంపెనీ) స్టూడియోలో స్పెషల్ ఇంటర్వ్యూకూ హాజరయ్యారు.

ఈ ఇంటర్వ్యూలో భాగంగా రీవ్ విల్ చరణ్ ను ఆస్తకరమైన ప్రశ్నలు అడుగుతూ సమాధానాలు రాబట్టారు. ఈ క్రమంలోనే ఆస్కార్ నామినేషన్ లో నిలిచినటువంటి నాటు నాటు సాంగ్ ఆస్కార్ అవార్డు కనుక గెలిస్తే మీ స్పందన ఏంటి అని ప్రశ్నించారు. ఈ ప్రశ్నకు రాంచరణ్ కొన్ని సెకండ్ల పాటు మౌనం వహించిన అనంతరం సమాధానం చెబుతూ… 80 సంవత్సరాల సినీ చరిత్రలో తొలిసారిగా ప్రతిష్టాత్మక ఆస్కార్ అవార్డు అందుకోవడం గొప్ప విషయమే..

ఇది ఒక తెలుగు వారికే సొంతం కాదు. ఇలా ఈ పాటకు ఆస్కార్ అందుకున్న ఆ క్షణం ఇండియా గర్వించే క్షణం అవుతుంది. మరోవైపు తాను నమ్మలేని స్థితిలో ఉంటానని సమాధానం చెప్పారు. సినిమా అంటేనే ఒక ఎమోషన్ కాబట్టి ఈ విజయం దేశం మొత్తానికి సంతోషాన్ని ఇస్తుందని సంతోషం వ్యక్తం చేస్తాను అంటూ రాంచరణ్ సమాధానం చెప్పారు.

సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?

టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?