సుకుమార్ సినిమాలో కొత్తగా కనిపించబోతున్న రామ్ చరణ్

మెగా పవర్ స్టార్ రామ్ చరణ్ తేజ్ ధృవ సినిమా తర్వాత సుకుమార్ దర్శకత్వంలో సినిమా చేస్తున్నారు. జనవరి 30న లాంఛనంగా ప్రారంభమైన ఈ మూవీ ఈనెల 20 తేదీ నుంచి రెగ్యులర్ షూటింగ్ జరుపుకోనుంది. పక్కా గ్రామీణ నేపథ్యంలో సాగే ఈ కథలో చెర్రీ కూడా పల్లెటూరి కుర్రోడిగా కనిపించబోతున్నారు. అయితే ఇదివరకు ఏ చిత్రంలో కనిపించని కొత్త లుక్ తో చరణ్ ని ఇందులో చూడనున్నట్లు సమాచారం. అందుకోసమే గడ్డాన్ని పెంచుతున్నట్లు తెలిసింది. నిన్నవిజయనగరంలోని చెరుకుపల్లి అవంతి ఇంజనీరింగ్ కాలేజీ లో జరిగిన జాతీయ యువజనోత్సవంలో ఇదే లుక్ తో  పాల్గొన్నారు.

1990 కాలంలో ఓ గ్రామంలో జరిగిన అందమైన లవ్ స్టోరీ ని సుకుమార్ వెండితెరపై ఆవిష్కరించనున్నారు. ఆనాటి యువతిగా సమంత తన అమాయకత్వమైన నవ్వుతో మరోసారి అందరి హృదయాలను దోచుకోనుంది. ఈ సినిమాకోసం మనసుకు హత్తుకునే డైలాగ్స్ ని సాయి మాధవ్ బుర్రా రాసారని చిత్ర బృందం వెల్లడించింది.  మైత్రి మూవీ మేకర్స్ వారు నిర్మిస్తున్న ఈ సినిమాకి మ్యూజిక్ డైరక్టర్ గా దేవీ శ్రీ ప్రసాద్, కెమెరా మెన్ గా రత్నవేలు పనిచేస్తున్నారు.

Also, do SUBSCRIBE to our YouTube channel to get latest Tollywood updates.