హిట్ డైరెక్టర్ కి నో చెప్పాడా..?

October 14, 2020 / 11:39 AM ISTByFilmy Focus

Join Us

రెగ్యులర్ మాస్ కథలను పక్కన పెట్టి.. సరికొత్త కథలను ఎన్నుకుంటూ హిట్టు సినిమాలతో దూసుకుపోతున్నాడు హీరో రామ్ చరణ్. ప్రస్తుతం ఈ హీరో రాజమౌళి దర్శకత్వంలో ‘ఆర్ఆర్ఆర్’ అనే సినిమాలో నటిస్తున్నాడు. సాధారణంగా హీరోలు ఒక సినిమా సెట్స్ మీద ఉండగానే.. తమ తదుపరి సినిమా గురించి ప్లాన్ చేసుకుంటూ ఉంటారు. కానీ రామ్ చరణ్ మాత్రం ఇప్పటివరకు తన నెక్స్ట్ ప్రాజెక్ట్ విషయంలో ఎలాంటి నిర్ణయం తీసుకోలేదు. ‘ఆర్ఆర్ఆర్’ సినిమా షూటింగ్ పూర్తవ్వగానే..

‘ఆచార్య’ సినిమా షూటింగ్ లో చరణ్ పాల్గొంటాడు. ఇది క్యామియో రోల్ కాబట్టి షూటింగ్ త్వరగానే పూర్తవుతుంది. అయితే దీని తరువాత చరణ్ ఎలాంటి సినిమా చేయబోతున్నాడనే ప్రశ్నలు ఎదురవుతున్నాయి. ప్రస్తుతం చరణ్ కూడా కథలు వింటున్నాడు. ఇప్పటికే ‘ఛలో’, ‘భీష్మ’ సినిమాలు తీసిన దర్శకుడు వెంకీ కుడుముల.. చరణ్ కి కథ వినిపించారని సమాచారం. ఈ కథ సెట్ అయితే సితార ఎంటర్టైన్మెంట్స్ బ్యానర్ పై ఈ సినిమా చేయాలని ప్లాన్.

కానీ చరణ్ కి కథ నచ్చలేదట. వెంకీ తన నేరేషన్ తో చరణ్ ని ఇంప్రెస్ చేయలేకపోయారట. దీంతో చరణ్ ఈ ప్రపోజల్ ని రిజెక్ట్ చేసినట్లు చెబుతున్నారు. ఇదిలా ఉండగా.. దర్శకుడు వంశీ పైడిపల్లి లాంటి దర్శకుడు రామ్ చరణ్ కి కథ చెప్పి మెప్పించాలని చూస్తున్నారు. అయితే చరణ్ మాత్రం చాలా కాలంగా దర్శకుడు రాఘవేంద్రరావుతో సినిమా చేయాలని కోరుకుంటున్నాడు. ఈ విషయమై రాఘవేంద్రరావుతో చరణ్ టచ్ ఉంటున్నారని టాక్.