ప్రముఖ దర్శకుడు శంకర్‌ రెండు పడవల ప్రయాణం చేస్తున్న విషయం తెలిసిందే. ఓవైపు రామ్‌చరణ్‌ సినిమా షూటింగ్‌ జరుగుతుండగానే.. ఎప్పుడో ఆగిపోయిన ‘ఇండియన్‌ 2’ సినిమా రీస్టార్ట్‌ చేశారు. కొన్ని రోజులు ఆ సినిమా పనులు చేసిన శంకర్‌.. ఇప్పుడు మళ్లీ రామ్‌చరణ్‌ సినిమా సంగతికొచ్చారట. చరణ్ సినిమా కొత్త షెడ్యూల్‌ మొదలైందట. గతంలో షూటింగ్‌ జరిగిన ప్రాంతంలోనే ఇప్పుడూ షూటింగ్‌ చేస్తున్నారట. రామ్‌చరణ్‌ కథానాయకుడిగా శంకర్‌ దర్శకత్వంలో, దిల్ రాజు నిర్మాణంలో ఓ పాన్‌ ఇండియా చిత్రం తెరకెక్కుతున్న సంగతి తెలిసిందే.
కియారా అడ్వాణీ కథానాయికగా నటిస్తున్న ఈ సినిమాలో శ్రీకాంత్‌, అంజలి, ఎస్‌.జె.సూర్య, నవీన్‌ చంద్ర ఇతర కీలక పాత్రధారులు. ఈ సినిమా కొత్త షెడ్యూల్‌ను సోమవారం రాజమహేంద్రవరంలో మొదలుపెట్టారు. వారం రోజులపాటు సాగే చిన్న షెడ్యూల్‌ ఇదట. కొత్త షెడ్యూల్‌లో భాగంగా రామ్‌చరణ్‌ పాత్రకు సంబంధించిన ఫ్లాష్‌ బ్యాక్‌ ఎపిసోడ్స్‌ చిత్రీకరిస్తున్నారని తెలుస్తోంది. ఈ పాత్ర కోసం రామ్‌చరణ్‌ కొంత మేకోవర్‌ కూడా చేసుకున్నారట. ఇప్పటికే ఈ సినిమాకు సంబంధించి కొన్ని లుక్స్‌, ఫొటోలు బయటకు వచ్చాయి.
ఓపెన్‌ ఏరియాలో షూట్‌ చేయడం వల్ల అవి బయటకు వచ్చాయి. అయితే ఈ లీకుల విషయంలో శంకర్‌ ఆగ్రహంగా ఉన్నారని వార్తలొచ్చాయి. ఈ నేపథ్యంలో కొత్త షెడ్యూల్స్‌ అన్నీ.. ఇండోర్‌ సెట్స్‌లో ఉండొచ్చు అని అన్నారు. కానీ ఇప్పుడు చూస్తే మళ్లీ రాజమహేంద్రవరం వెళ్లారు. మరి కొత్త లుక్‌లు, ఫొటోలు ఏమన్నా బయటకు వస్తాయేమో చూడాలి. ఇక ఈ సినిమా సంగతి చూస్తే.. రాజకీయ నేపథ్యమున్న యాక్షన్‌ థ్రిల్లర్‌ ఇది.
తమన్‌ స్వరాలందిస్తున్న ఈ సినిమాకు తిరు, రత్నవేలు ఛాయాగ్రాహకులు. నిజానికి ఈ సినిమాను సంక్రాంతి బరిలో నిలుపుదాం అనుకున్నారు. కానీ అప్పటికి షూటింగ్‌ అవ్వదని వెనక్కి తగ్గి ‘వారసుడు’కి దారి ఇచ్చారు. ఆ తర్వాత సమ్మర్‌ సీజన్‌ అన్నారు. అయితే శంకర్‌ రెండు సినిమాల ప్రయాణం కారణంగా ఆ సీజన్‌ కూడా డౌటే అంటున్నారు.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
