రాంచరణ్ తెలివి మామూలుగా లేదుగా..!

February 16, 2020 / 03:59 PM ISTByFilmy Focus

Join Us

మెగా పవర్ స్టార్ రాంచరణ్ ప్రస్తుతం యంగ్ టైగర్ ఎన్టీఆర్ తో కలిసి ‘ఆర్.ఆర్.ఆర్’ చిత్రం చేస్తున్న సంగతి తెలిసిందే. ఈ చిత్రంలో చరణ్ … అల్లూరి సీతారామరాజుగా కనిపించబోతున్నాడు. 2021 జనవరి 8న ఈ చిత్రం విడుదల కాబోతుంది. సుమారు 10 భాషల్లో ఈ చిత్రం విడుదల కాబోతుందని సమాచారం. ఓ పక్క హీరోగా నటిస్తూనే మరో పక్క నిర్మాతగా కూడా తన తండ్రితో సినిమాలు చేస్తూ.. బిజీగా గడుపుతున్నాడు. అయితే ఇప్పటి వరకూ కేవలం తన తండ్రితోనే సినిమాలు చేస్తూ వచ్చిన చరణ్.. ఇప్పుడు ఇతర హీరోలతో కూడా సినిమాలు నిర్మించడానికి రెడీ అవుతున్నట్టు తెలుస్తుంది.

Ram Charan with Sharwanand

వివరాల్లోకి వెళితే.. మలయాళంలో సూపర్ హిట్ అయిన ‘డ్రైవింగ్ లైసెన్స్’ చిత్రం రీమేక్ రైట్స్ ను చరణ్ కొనుగోలు చేసాడట. ‘డ్రైవింగ్ లైసెన్స్’ చిత్రం చాలా ఎంటర్టైనింగ్ గా ఉంటుంది. ఈ చిత్రం రైట్స్ తీసుకోవడంతో రాంచరణ్ టేస్ట్ ఉన్న ప్రొడ్యూసర్ అని చాలా మంది కామెంట్స్ చేస్తున్నారు. అయితే ఈ చిత్రంలో హీరోగా తన స్నేహితుడు శర్వానంద్ ను తీసుకుంటున్నట్టు వార్తలు వస్తున్నాయి. వీటిలో నిజం ఉంటే.. శర్వా లక్ అనే చెప్పాలి. ఎందుకంటే ఇటీవల శర్వా.. వరుస ప్లాపులతో సతమతమవుతున్నాడు. ఇటీవల విడుదలైన ‘జాను’ చిత్రానికి క్రిటిక్స్ నుండీ మంచి రివ్యూస్ వచ్చినప్పటికీ కలెక్షన్స్ మాత్రం రాలేదు. దీంతో ఈ చిత్రం ప్లాప్ అని ట్రేడ్ పండితులు తేల్చేసారు. కాబట్టి చరణ్ అయినా శర్వాకి మంచి హిట్ అందిస్తాడేమో చూడాలి.