ఆసక్తిని పెంచుతున్న రాంచరణ్ కొత్త లుక్..!

September 24, 2020 / 04:51 PM ISTByFilmy Focus

Join Us

ఆసక్తిని పెంచుతున్న రాంచరణ్ కొత్త లుక్..!

మెగా పవర్ స్టార్ రాంచరణ్ మొన్నటికి మొన్న కాస్త బక్క చిక్కిపోయి కనిపించి అందరినీ షాక్ కు గురిచేసిన సంగతి తెలిసిందే. అయితే అది ‘ఆర్.ఆర్.ఆర్’ సినిమాలో వచ్చే ఫ్లాష్ బ్యాక్ ఎపిసోడ్ కోసమేమో అని అంతా అనుకున్నారు. ఈ లాక్ డౌన్ టైంలో చరణ్ పుట్టినరోజు కానుకగా విడుదల చేసిన ‘భీమ్ ఫర్ రామరాజు’ వీడియోలో చరణ్ కండలు తిరిగిన శరీరంతో కనిపించాడు. ఆ వీడియోకి అద్భుతమైన స్పందన లభించింది. సినిమా పై అప్పటివరకూ ఉన్న అంచనాలను 10 రెట్లు పెంచేసింది ఆ వీడియో.

ఇక మొన్నటి వరకూ గడ్డంతో కనిపిస్తూ వచ్చిన రాంచరణ్ ఇప్పుడు మరో లుక్ లోకి మారి అందరినీ ఆశ్చర్యపరిచాడు. విషయం ఏమిటంటే.. తాజాగా తన సోషల్ మీడియాలో ఓ కొత్త ఫోటోని పోస్ట్ చేశాడు రాంచరణ్. ఈ ఫొటోలో గడ్డం, మీసాలు పెంచి ఇంకో కొత్త లుక్ లో కనిపిస్తున్నాడు.బ్లాక్ అండ్ వైట్ షేడ్స్ లో ఈ ఫోటో ఉంది. ఇక తన మొహాన్ని ఒక కోణంలో మాత్రమే కనపడేలా తీసుకున్నాడు చరణ్. ఈ ఫోటోని చూసిన నెటిజన్లు.. ‘అల్లూరి దేని కోసమో అన్వేషిస్తున్నాడని’ కామెంట్లు పెడుతున్నారు.

Ram Charan’s striking pic goes viral1

అయితే ఈ ఫొటోకి మన అల్లూరి.. అదే మన రాంచరణ్ మాత్రం.. ‘సాధ్యమైనంత గొప్పగా.. ఉన్నతంగా ఉండండి’ అంటూ కామెంట్ పెట్టాడు.ప్రస్తుతం ఈ ఫోటో నెట్టింట్లో సందడి చేస్తుంది. ‘నేను షూటింగ్ కు రెడీ అంటూ రాంచరణ్ .. దర్శకుడు రాజమౌళికి సంకేతాలు ఇవ్వడానికి ఈ ఫోటో పెట్టాడేమో’ అని కూడా కొందరు కామెంట్లు పెడుతుండడం విశేషం.