Evaru Meelo Koteeswarulu: ఎవరు మీలో కోటీశ్వరులు చివరి ఎపిసోడ్ అలా ప్లాన్ చేశారా?

రామ్ చరణ్, జూనియర్ ఎన్టీఆర్ మంచి స్నేహితులు కాగా ఆర్ఆర్ఆర్ సినిమా వల్ల ఈ హీరోల మధ్య స్నేహ బంధం మరింత బలపడింది. తొలి ఎపిసోడ్ కు చరణ్ గెస్ట్ గా హాజరై తన వ్యక్తిగత విషయాలను, ఆర్ఆర్ఆర్ సినిమాకు సంబంధించిన కీలక విషయాలను అభిమానులతో పంచుకున్నారు. హోస్ట్ గా జూనియర్ ఎన్టీఆర్ అంచనాలను మించి మెప్పించగా ఈ షో మంచి టీఆర్పీ రేటింగ్ లను సాధిస్తుందని తారక్ ఫ్యాన్స్ భావిస్తున్నారు.

ఎవరు మీలో కోటీశ్వరులు చివరి ఎపిసోడ్ లో చరణ్ హోస్ట్ గా ఎన్టీఆర్ గెస్ట్ గా కనిపించే అవకాశాలు ఉన్నాయని ఇండస్ట్రీ వర్గాల్లో వార్తలు వినిపిస్తున్నాయి. అయితే ఈ వార్త నిజమో కాదో తెలియాలంటే మరికొన్ని నెలలు ఆగాల్సిందే. సోమవారం నుంచి గురువారం వరకు వీక్ డేస్ లో రాత్రి 8.30 గంటలకు ఈ షో ప్రసారమవుతుండగా చివరి ఎపిసోడ్ లో ఎన్టీఆర్, చరణ్ ఆర్ఆర్ఆర్ కు సంబంధించిన ప్రమోషన్ చేస్తారని తెలుస్తోంది.

అరవింద సమేత సినిమా తర్వాత ఎన్టీఆర్ నటిస్తున్న ఆర్ఆర్ఆర్ షూటింగ్ ఆలస్యమవుతుండగా బుల్లితెరపై ఎన్టీఆర్ హోస్ట్ గా తనకు తిరుగులేదని ప్రూవ్ చేసుకుంటూ ఉండటంతో ఫ్యాన్స్ సంతోషిస్తున్నారు. మరోవైపు ఆర్ఆర్ఆర్ రిలీజ్ డేట్ కు సంబంధించి త్వరలో క్లారిటీ రానుంది. ఎన్టీఆర్, చరణ్ ఫ్యాన్స్ ఆర్ఆర్ఆర్ ఎప్పుడు విడుదలైనా కొత్త రికార్డులు క్రియేట్ అవుతాయని చెప్పడంలో సందేహం అవసరం లేదని కామెంట్లు చేస్తున్నారు. 450 కోట్ల రూపాయల భారీ బడ్జెట్ తో ఆర్ఆర్ఆర్ మూవీ తెరకెక్కుతోంది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!