రామ్ చరణ్ సరసన ఐశ్వర్య రాయ్ నటించనుందా?

రత్నాల్లాంటి సినిమాలను అందించిన డైరక్టర్ మణిరత్నం ఈ మధ్య జోరు తగ్గించారు. అతను దర్శకత్వం వహిస్తున్న సినిమాలు బాక్స్ ఆఫీస్ వద్ద బోల్తా కొడుతున్నాయి. రీసెంట్ గా మణిరత్నం మెగాఫోన్ నుంచి వచ్చిన కాట్రు వెలియిడై (చెలియా) పూర్తిగా నిరాశ పరిచింది. దీంతో ఎలాగైనా ఒక బ్లాక్ బస్టర్ హిట్ కొట్టాలని కసరత్తులు ప్రారంభించారు. మెగా పవర్ స్టార్ రామ్ చరణ్ తేజ్ కోసం ఓ స్పై థ్రిల్లర్ కథను సిద్ధం చేశారు. ఇందులో విలన్ గా అరవింద్ స్వామిని కూడా ఫిక్స్ చేశారు.

ఈ చిత్రానికి “యోధా” అనే టైటిల్‌ను నిర్ణయించినట్లు సమాచారం. ఈ కథతో పాటు మరో కథపైన కూడా మణిరత్నం వర్క్ చేస్తున్నారు. అదే దళపతి 2 . రజనీకాంత్, మమ్ముట్టిల కాంబినేషన్‌లో ఈ మూవీని తెరకెక్కించడానికి సిద్ధమవుతున్నట్లు కోలీవుడ్ వర్గాలు వెల్లడించాయి. తాజాగా తమిళ పత్రికలు ప్రచురించిన కథనం మేరకు ఈ రెండు చిత్రాలలో ఏదో ఒక చిత్రంలో ఐశ్వర్యరాయ్‌ను నటిస్తున్నట్లు తెలిసింది. మణిరత్నం, ఐశ్వర్యారాయ్ మధ్య మొదటి నుంచి మంచి అనుబంధం ఉంది. అందుకే ఐష్ మణిరత్నం ప్రాజక్ట్ కి ఒకే చెప్పినట్లు టాక్.

Also, do SUBSCRIBE to our YouTube channel to get latest Tollywood updates.