రెడ్ శాండిల్ స్మగ్లింగ్ నేపథ్యంలో సుకుమార్ తెరకెక్కిస్తున్న చిత్రం పుష్ప. ఈ మూవీలో బన్నీ రాయలసీమ ప్రాంతానికి చెందిన లారీ డ్రైవర్ పాత్ర చేస్తున్నారు. మొదటిసారి బన్నీపుష్ప లో డీగ్లామర్ రోల్ చేస్తున్నారు.ఈ చిత్రంతో అల్లు అర్జున్ బాలీవుడ్ ఎంట్రీ ఇస్తుండగా మూవీపై భారీ అంచనాలున్నాయి. కాగా ఈ మూవీలో విలన్ పై ఓ క్రేజీ న్యూస్ చక్కర్లు కొడుతుంది. నటుడు జగపతి బాబు ఈ చిత్రంలో విలన్ గా నటిస్తున్నారంటూ వార్తలు వస్తున్నాయి.
ఇప్పటికే జగపతి బాబుతో సంప్రదింపులు జరిపిన చిత్ర యూనిట్ విలన్ గా నిర్ణయించారని సమాచారం.దీనిపై అధికారిక ప్రకటన లేకున్నప్పటికీ టాలీవుడ్ లో ప్రముఖంగా వినిపిస్తుంది. రామ్ చరణ్- సుకుమార్ కాంబినేషన్ లో వచ్చిన రంగస్థలం అతిపెద్ద బ్లాక్ బస్టర్ గా నిలిచింది . రంగస్థలంలో విలన్ గా జగపతి బాబు నటించిన సంగతి తెలిసిందే. సర్పంచ్ పశుపతి పాత్రలో ఆయన నటన సినిమాకే హైలెట్ గా నిలిచింది.
పుష్ప మూవీలో కూడా విలన్ పాత్ర చాలా కీలకం కాగా జగపతి బాబునే ఫైనల్ చేశారని అంటున్నారు. ఈ విషయంపై స్పష్టత రావాలంటే మరి కొద్దిరోజు ఆగాల్సిందే. రష్మిక మందాన హీరోయిన్ గా నటిస్తున్న ఈ చిత్రానికి సంగీతం దేవిశ్రీ అందిస్తున్నారు. మైత్రి మూవీ మేకర్స్ నిర్మిస్తున్నారు.
Most Recommended Video
34 ఏళ్ళ సినీ కెరీర్ లో ‘కింగ్’ నాగార్జున రిజెక్ట్ చేసిన సినిమాల లిస్ట్..!
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
Home