మరో స్టార్ దర్శకుడితో మెగా పవర్ స్టార్

RRR సినిమాతో పాటు ఆచార్య సినిమాతో బిజీగా ఉన్న మెగా పవర్ స్టార్ ఆ తరువాత ఎవరితో వర్క్ చేస్తారు అనేది హాట్ టాపిక్ గా మారుతోంది. ఒక విధంగా చర్చల్లో చాలా ప్రాజెక్టులు ఉన్నప్పటికీ ఇంకా ఏది ఫైనల్ కాలేదు. మరోవైపు జూనియర్ ఎన్టీఆర్ ఇప్పటికే త్రివిక్రమ్ ను లైన్ లో పెట్టగా ఆ తరువాత KGF డైరెక్టర్ ప్రశాంత్ నీల్ తో వర్క్ చేసే ఛాన్స్ ఉన్నట్లు ఎప్పుడో క్లారిటీ వచ్చేసింది.

ఇక రామ్ చరణ్ మాత్రం అఫీషియల్ గా ఎలాంటి సినిమాలను ఎనౌన్స్ చేయలేదు. కోలీవుడ్ డైరెక్టర్ లోకేష్ కనగరాజ్ తో వర్క్ చేసే అవకాశం ఉన్నట్లు ఇండస్ట్రీలో టాక్ కూడా వస్తోంది. అలాగే ఛలో డైరెక్టర్ వెంకీ కుడుములతో కూడా ఉండవచ్చని అంటున్నారు. ఇక ఇప్పుడు త్రివిక్రమ్ శ్రీనివాస్ కూడా లైన్ లోకి వచ్చినట్లు తెలుస్తోంది. ప్రస్తుతం ఎన్టీఆర్ తో ఒక సినిమా చేస్తున్న త్రివిక్రమ్ ఆ తరువాత రామ్ చరణ్ తోనే సినిమాను సెట్స్ పైకి తెచ్చే అవకాశం ఉందట.

మెయిన్ కథను సెట్ చేసుకున్న మాటల మాంత్రికుడు వీలైనంత త్వరగా స్క్రిప్ట్ పనులను పూర్తి చేయాలని ఆలోచిస్తున్నట్లు సమాచారం. ఇక ఈ ఏడాది చివరలోనే వీరి ప్రాజెక్ట్ పట్టాలెక్కే అవకాశం ఉందట. మరి ఈ రూమర్స్ ఎంతవరకు నిజమవుతాయో చూడాలి. రామ్ చరణ్ జెర్సీ డైరెక్టర్ గౌతమ్ తిన్ననూరితో కూడా వర్క్ చేసే అవకాశం ఉన్నట్లు సమాచారం.

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!