దర్శకుడు రామ్ గోపాల్ వర్మ తన కెరీర్ లో ఎన్నో హిట్టు సినిమాలు తీశారు. ‘శివ’ సినిమాతో కొత్త ట్రెండ్ కి శ్రీకారం చుట్టారు. ఒకప్పుడు టాలీవుడ్ లో అగ్ర దర్శకుడిగా చెలామణి అయ్యారు. బాలీవుడ్ లో కూడా సినిమాలు తీశారు. అయితే ఈ మధ్యకాలంలో ఆయన నుంచి సరైన సినిమా ఒక్కటి కూడా రావడం లేదు. అయినప్పటికీ వర్మ తన ప్రయత్నాలు మాత్రం మానడం లేదు. రిజల్ట్ తో సంబంధం లేకుండా సినిమాలు తీస్తూనే ఉన్నారు.
తన కథలతో పలు వివాదాల్లో చిక్కుకున్నారు వర్మ. అలానే సోషల్ మీడియాలో పలు అంశాల మీద మాట్లాడుతూ.. వివాదాల్లో నిలుస్తుంటారు. ప్రస్తుతం ఆయన చేతిలో రెండు సినిమాలు ఉన్నట్లు ఉన్నాయి. ఇవి కాకుండా ఇప్పుడు వర్మ క్యామియో రోల్ చేయడానికి గ్రీన్ సిగ్నల్ ఇచ్చినట్లు సమాచారం. అది కూడా ప్రభాస్ సినిమా కావడం విశేషం. ప్రభాస్ హీరోగా దర్శకుడు నాగ్ అశ్విన్ ‘ప్రాజెక్ట్ K’ అనే సినిమాను తెరకెక్కిస్తోన్న సంగతి తెలిసిందే.
ఈ సినిమాలో రామ్ గోపాల్ వర్మను క్యామియో రోల్ కోసం సంప్రదించినట్లు తెలుస్తోంది. దానికి ఆయన ఓకే చెప్పారట. త్వరలోనే వర్మ తన గెస్ట్ రోల్ కి సంబంధించిన షూటింగ్ ను పూర్తి చేయబోతున్నారు. ‘ప్రాజెక్ట్ K’ ఇండియాలో తెరకెక్కుతోన్న భారీ బడ్జెట్ సినిమాల్లో ఒకటి. ఈ సినిమా షూటింగ్ కోసం హైదరాబాద్ లో భారీ సెట్స్ ను నిర్మించారు. ఈ సినిమాలో దీపికా పదుకోన్ హీరోయిన్ గా నటిస్తుండగా..
బాలీవుడ్ లెజండరీ యాక్టర్ అమితాబ్ బచ్చన్ కీలకపాత్ర పోషిస్తున్నారు. 2024 జనవరిలో ఈ సినిమాను విడుదల చేయాలని ప్లాన్ చేస్తున్నారు. వచ్చే ఏడాదిలో సినిమా షూటింగ్ పూర్తి చేసి.. పోస్ట్ ప్రొడక్షన్ కోసం ఎక్కువ సమయం కేటాయించనున్నారు. వైజయంతీ మూవీస్ బ్యానర్ పై ఈ సినిమాను నిర్మిస్తున్నారు.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
Home